Монтвіл

From Wikipedia, the free encyclopedia

Remove ads

Монтвіл (Мунтвіл, Мунцьвіл, Мондвіл) — мужчынскае імя і вытворнае ад яго прозьвішча.

Хуткія факты Паходжаньне, Мова(-ы) ...

Паходжаньне

Асноўны артыкул: Імёны ліцьвінаў

Мунтвіл (Muntwil[1]) і Вілімунт або Вілмунт (Willimunt, Wilmunt) — імёны германскага паходжаньня[2]. Іменная аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) паходзіць ад германскага *mundô 'рука, абарона, крэўнасьць'[3] або гоцкага munds 'моц розуму, імкненьне', mundrs 'гарлівы, палкі'[4], а аснова -віл- (імёны ліцьвінаў Вільбут, Вільгерд, Вільгейда; германскія імёны Willebut, Vilgard, Williheid) — ад гоцкага wilja 'воля'[5]. Такім парадкам, імя Монтвіл азначае «гарлівая воля»[6] (тое ж, што і імя Вільмонт).

Адпаведнасьць імя Мантвіл германскаму імю Muntwil, ад якога ўтварыліся назвы некалькіх мясцовасьцяў у Францыі[7], сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў[1]. Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — таксама сьцьвердзіў амэрыканскі лінгвіст Альфрэд Зэн[8].

Таксама адзначалася старажытнае германскае імя Willmant (Will-mant)[9]. Адпаведнасьць імя Мантвіл германскаму імю Willmant прызнае летувіскі лінгвіст Ёзас Юркенас(lt)[10].

У ваколіцах Русі (Прусія) адзначалася прозьвішча Mantwill[11].

Варыянты імя ў гістарычных крыніцах: Монътвилу земля Крожева (1440—1492 гады)[12]; тивуну Радуньскому Монтвилу (1444 год)[13]; удову Монтвиловну жону, Монтвилова племенника (1473 год[14])[15]; бояр ейшышских… Монтвиловичы (1494 год, 19 студзеня 1526 году)[16]; на люди Мунтвиловичы (16 чэрвеня 1501 году)[17]; земль пустовских там жо в Дорсунишках… Монтвиловщины (19 сакавіка 1514 году)[18]; Миколаи Монтвиловичъ[19], Янъ Монтвиловичъ[20], Пацъ Монтвиловичъ[21] (1528 год); Петр Монтвилович (1537 год)[22]; села Монтвиловичовъ… селе Монтвиловичахъ (1554 год)[23]; Янъ Яцкевичъ з Монтвиловичовъ[24], Родъ Монтвиловичовъ[25], Петръ Монтвиловичъ з ыменья Монтвиловского у повете Лидскомъ[26], Петрукъ Монтвиловичъ[27] (1567 год); земяном повету ковенского… з роду Монтвиловичов з Вонтокгин (15 верасьня 1568 году)[28]; Нарель Моньтвиловичъ (24 красавіка 1580 году)[29]; передомьною Яномъ Петровичомъ Монтвиломъ Островскимъ, коморником воеводства и повету Троцкого (20 лістапада 1592 году)[30]; я Ян Монтвил Островский (1 лістапада 1596 году)[31]; Я Криштофъ Монтвиловичъ (21 траўня 1597 году)[32]; земянинъ господарьский повету Виленъского пань Станиславъ Монтвило и малъжонъка его пани Станиславовая Монтвиловая Крыстына Матысовна Володкевичовна (20 лістапада 1602 году)[33]; Paweł Montwilowicz (1602—1615 гады)[34]; Antoni Montwiłł (15 студзеня 1763 году)[35]; Maciej Mondwiłł… Szymon Mondwiłł… Stefan Mondwiłł… Józef Mondwiłł[36], Szymon Mondwiłł[37], Maciej Mądwił… Szymon Mądwił… Stefan Mądwił… Józef Mądwiłł…. Symon Mondwiłł[38] (6 лютага 1786 году); Kazimierz Mondwił, strażnikowicz pow. kow. (18 жніўня 1788 году)[39]; Michał Mondwiłło (1791 год)[40]; Bartłomiej Montwiłowicz (1810 год)[41].

Remove ads

Носьбіты

Монтвілы (Montwiło) — прыгонныя з ваколіцаў Старых Трокаў, якія ўпамінаюцца ў XIX стагодзьдзі[45].

Монтвілы (Montwił) гербу Ляліва — літоўскі шляхецкі род[46].

Монтвілы-Эйтміновічы — літоўскі шляхецкі род[47].

Монтвіль або Монтвіл (Montwil, Montwill) — прозьвішча, зафіксаванае ў XIX стагодзьдзі ў ваколіцах Сувалкаў[48].

У XVI ст. у Жамойцкім старостве існаваў маёнтак Мантвілавічы (Монтвиловичи)[49], у 1690 годзе — мясцовасьць Мондвілавічы[50].

На гістарычнай Браслаўшчыне існуе вёска Мунцьвілова. Назву Мантвілішкі маюць вёскі на гістарычных Лідчыне і Троччыне.

Remove ads

Глядзіце таксама

Крыніцы

Літаратура

Loading related searches...

Wikiwand - on

Seamless Wikipedia browsing. On steroids.

Remove ads
Remove ads