Віршыла

Віршыла (Вяршыла), Верзэль (Вэрсэль, Вершэль), Віршула (Вэрсула) — мужчынскае імя і вытворнае ад яго прозьвішча.

Werzel
Паходжаньне
Мова(-ы)	германскія
Утворанае ад	Werzo + суфікс з элемэнтам -л- (-l-)
Іншыя формы
Варыянт(ы)	Верзэль, Вэрсэль, Вершэль, Вяршыла, Віршула, Вэрсула, Вяршала
Зьвязаныя артыкулы
якія пачынаюцца з «Віршыла»

Паходжаньне

Асноўны артыкул: Імёны ліцьвінаў

Верзел або Вэрцэль (Werzel) — імя германскага паходжаньня^[1]. Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, іменная аснова верз- (вірс-) паходзіць ад гоцкага wairþs 'годны, дастойны'^[2].

У Прусіі бытавала імя Вірсіл (або Вірзіл): Hanneke Wirsil (1383 год)^[3].

Варыянты імя ў гістарычных крыніцах: Werzilen, nostri advocati, ipsiusque fratris, nostrorum baronum superioris, Foder nunccupati, totum regnum Ploscoviensem (10 кастрычніка 1485 году)^[4]; люди Лабенские задворныи, на имя Виршило а Петръ (26 верасьня 1540 году)^[5]; светковъ… Петка Мацевича Вершеля (30 сакавіка 1541 году)^[6]; Andrzey Szymkowicz Wirssylo (1558 год)^[7]; Иванъ Вершило… Васко Вершило (1566 год)^[8]; Павелъ Виршило^[9], Якубъ Виршиловичъ^[10] (1567 год); Wierszyło (XVI ст.)^[11]; a Wirszyłem (2-я палова XVI ст.)^[12]; siołko Wirszyły… Mik Wirszyl (20 лістапада 1604 году)^[13]; Jan Wirszyło (1621 год^[14], 1743 год^[15]); D.no Stanislao Wirszyłowicz (1635 год)^[16]; Романь Вершило (1649 год)^[17]; Jan Wojciech Wirszyło (17 жніўня 1655 году)^[18]; Piotr Werszyło (1662 год)^[19]; Marcina Werszela (1666 год)^[20]; Wirsziło… Wierssiła… Wiersziło… Wierssiłowicz (1671—1681 гады)^[21]; Krzystof Wierszel… dom Krzystofa Werszela (1688 год)^[22]; wies Wirszyły… Maciey Wirszyło… Mikolay Wirszyło (23 красавіка 1698 году)^[23]; Wirsilo (9 чэрвеня 1726 году)^[24]; jeziorko małe nazywające się Werszel (1782 год)^[25]; Jan Wirszyłło (2 верасьня 1788 году)^[26]; Ludwik Wersulowicz (1798 год)^[27]; Werselowna (1800 і 1803 гады)^[28]; Jakub Wierszałowicz (1814 год)^[29]; Werszelówna (1825 год)^[30]; Gertruda Wierszyłowicz (1835 год)^[31]; Krystyna Wierszyłło (1843 год)^[32]; Tadeusz Wierzel (1846 год)^[33]; Sylwester Wierszyło (14 жніўня 1898 году)^[34].

Носьбіты

• Іван Віршылавіч — берасьцейскі мешчанін, які ўпамінаецца ў 1577 годзе^[35]
• Юры Паўлавіч Якубовіч Віршыла (Віршыловіч) — расенскі зямянін, які ўпамінаецца ў 1590—1595 гадох^[36][37]
• Станіслаў Віршыла — жыхар места Ліды, які ўпамінаецца ў 1680 годзе^[38]
• Андрэй, Міхалка і Пётар Вяршылы — навадворскія мяшчане, якія ўпамінаюцца ў 1765 годзе^[39]
• Ян Віршыла — дзяржаўны дзяяч Вялікага Княства Літоўскага, падстолі амсьціслаўскі ў 1788 годзе^[26]

Вершалі (Wierszel) — прыгонныя зь вёскі Вігушкаў (Ашмянскі павет), якія ўпамінаюцца ў XIX стагодзьдзі^[40].

Віршылы (Wirszyło) — прыгонныя зь вёсак Старлыгаў, Хмылкаў, Сурвілаў і засьценку Хацкаў, якія ўпамінаюцца ў XIX стагодзьдзі^[41]

Вяршыловічы — уніяты Зблянскай парафіі^[42].

Віршылы (Wirszyłło) гербаў Граблі і Тры Ралы, Верушылы (Wieruszyło) і Вершаловічы (Wierszołowicz) — літоўскія шляхецкія роды зь Вільні і Віленскага павету^[43].

Віршылы (Wirszyłło) — літоўскі шляхецкі род з Троцкага павету^[44].

Вяршыла (Wierszylo) — прозьвішча, зафіксаванае ў XIX стагодзьдзі ў ваколіцах Сувалкаў^[45].

Вершаловіч і Вершэловіч — прозьвішчы, гістарычна зафіксаныя на тэрыторыі цяперашняй Летувы^[46].

У актах Вялікага Княства Літоўскага ўпаміналіся сёлы Вершалі (Вершели) у Гарадзенскім павеце і Вершулішкі (таксама Віршулішкі) або Мураваны Замачак каля Судэрвы^[47].

На гістарычнай Гарадзеншчыне існуе вёска Вершалі.