Віснар

Віснар (Вішнар, Вішнэр, Вішанар) — мужчынскае імя і вытворнае ад яго прозьвішча.

Visnar
Паходжаньне
Мова(-ы)	германскія
Утворанае ад	Wiso + Naro
Іншыя формы
Варыянт(ы)	Вішнар, Вішнэр, Вішанар
Вытворныя формы	Войшнар
Зьвязаныя артыкулы
якія пачынаюцца з «Віснар»

Паходжаньне

Асноўны артыкул: Імёны ліцьвінаў

Віснар, Віснэр або Вісэнэр (Visnar^[1], Wisner, Wisener) — імя германскага паходжаньня^[2]. Іменная аснова -віс- (-віз-, -веш-) (імёны ліцьвінаў Вісігерд, Вісімунт, Вішымут; германскія імёны Wisigard, Wisemund, Vismuot) паходзіць ад гоцкага wis 'мудры, абазнаны'^[3], а аснова -нар- (-нор-) (імёны ліцьвінаў Нарэла, Нарвід, Нарымунт; германскія імёны Narelo, Norvid, Normunt) — ад гоцкага nasjan 'захоўваць, ратаваць'^[4], стараверхненямецкага -neri 'уратаваньне, утрыманьне'^[5].

У Прусіі бытавала імя Вісенар: Wissenar (Wyssenor)^[6]. Апроч таго, у Прусіі адзначалася прозьвішча Wiesner^[7], у ваколіцах Мэмэлю — Wissner^[8].

Варыянты імя ў гістарычных крыніцах: filius Wyszanarow (1502 году)^[9]; людемъ нашимъ Мерецъкого повета… а Петку Виснаровичу (люты 1510 году)^[10]; homines nostros districtus Merecensis… Pethka Wisnarowicza (16 жніўня 1511 году)^[11]; nobilis… Adam Vysnarowicz (20 красавіка 1526 году)^[12]; Ja Martyn Wisznarowicz (8 красавіка 1546 году)^[13]; Янъ Виснаръ (1567 год)^[14]; Simon Wischner Lituanus et Polonus (1570 год)^[15]; Magdalena Wisznarowicz (1741 год)^[16].

Носьбіты

• Ян Віснар — васілішкаўскі баярын, які ўпамінаецца ў ппопісе войска Вялікага Княства Літоўскага 1567 году

Глядзіце таксама

• Віс
• Нор