Гейлін

Гейлін, Гайлін, Галін (Галінь, Галень) — мужчынскае імя і вытворнае ад яго прозьвішча.

Geilin
Паходжаньне
Мова(-ы)	германскія
Утворанае ад	Geilo + суфікс з элемэнтам -н- (-n-)
Іншыя формы
Варыянт(ы)	Гайлін, Галін, Галінь, Галень
Вытворныя формы	Гайлун, Гілін
Зьвязаныя артыкулы
якія пачынаюцца з «Ґейлін»

Паходжаньне

Асноўны артыкул: Імёны ліцьвінаў

Гайлін, Гайлен, Гейлін або Галіна (Gailin, Gailen^[1], Geilin, Galinno^[2], Galinus^[3]) — імя германскага паходжаньня^[4]. Іменная аснова -гайл- (-гал-, -гел-) (імёны ліцьвінаў Галімунт, Інгела, Монтгайла; германскія імёны Geilmundus, Ingeila, Montigel) паходзіць ад гоцкага і бургундзкага gails 'жвавы, свавольны, ганарысты'^[5].

Адпаведнасьць імя Гайлінь (Гайлень) германскаму імю Gailin сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Gielin^[7].

У Прусіі бытавала імя Гайлен: Gaylenne (1387 год)^[8].

Варыянты імя ў гістарычных крыніцах: Gayline^[9] (Хроніка Віганда)^[10]; Stasz Goylinic (1558 год)^[11]; wieś Radecka Wola… Fedor Galinowicz (1641 год)^[12]; pater Iacobus Goleniewicz (1725 год)^[13]; wsie… Galeniszki (1782—1783 гады)^[14]; Galiniewiczowna (1820 год)^[15]; Dominik Galeniewicz (1831 год)^[16].

Носьбіты

• Герман Галінавіч — памэзанскі зямянін, які ўпамінаецца ў 1302 годзе^[17]
• Ян, Ёсіф і Марыя Гейліны — жыхары вёскі Баяраў (Браслаўскі павет), якія ўпамінаюцца ў 1759 годзе^[18]

Галіновічы (Galinowicz) — літоўскія шляхецкія роды з ваколіцаў Жупранаў і Кабыльніку^[19][20].

Галінёвіч (Galiniowicz) і Галіновіч (Galinowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[21].

На 1913 год існаваў засьценак Гайлінішкі (Gajliniszki) у Немянчынскай парафіі^[22].

У былым Жамойцкім старостве існуе вёска Гайліны.