Герстолт

Герстолт (Гірстолт), Герштаўт (Гірстаўт, Гірстоўт, Гірштаўт, Керстаўт) — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Gero + Stalto
Іншыя формы
Варыянт(ы)	Гірстолт, Герштаўт, Гірстоўт, Гірстаўт, Гірштаўт, Керстаўт
Зьвязаныя артыкулы
якія пачынаюцца з «Ґерстолт»

Паходжаньне

Асноўны артыкул: Імёны ліцьвінаў

Гера або Гіра (Gero, Giro) і Сталта (Stalto) — імёны германскага паходжаньня^[1][2]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[3], а аснова -сталд- (-сталт-) (імёны ліцьвінаў Вінстаўт, Нястольт; германскія імёны Winstalt, Nistaldus) — ад гоцкага stalds 'які набывае, прагны'^[4]. Адзначалася старажытнае германскае імя Heristalt (Heri-stalt)^[5][6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Герстман (Gierstman)^[7].

У Прусіі бытавала імя Geristot / Kerstaut (1360 год)^[8][9].

Варыянты імя ў гістарычных крыніцах: Girstawt (Хроніка Віганда)^[10]; у Медникох. Кгирстолъту два чоловеки (1440—1492 гады)^[11]; пять чоловеков… а Кгирстовтовича (9 лістапада 1449 году)^[12]; homines… Gyrsztholth (8—13 сакавіка 1462 году)^[13]; Nicolao Gyhirstoltowycz (10 чэрвеня 1471 году)^[14]; Михна Керстовтовича (30 траўня 1481 году паводле выпісу 19 верасьня 1568 году)^[15]; листъ боярина виленского Миколаевъ Кгирстовътовича… именя Миколаевы Кгирстовътовича в Моишокголе и въ Свире (6 жніўня 1496 году)^[16]; nobiles Nicolaus Girstautowicz (25 траўня 1505 году)^[17]; nobili Nicolao Gerstoltowycz (3 лістапада 1505 году)^[18]; чоловеков тяглыхъ у Оирякголскои волости… Юду Кгирстовтовича (30 траўня 1517 году)^[19]; Adam Girstowt… Andrzej Walentynowicz Girstowt… Władysław Girstowt (1667 год)^[20]; P. Władysławem Girsztowtem^[21], Daniel Girsztowt^[22] (1690 год); Giersztowtt (14 лістапада 1784 году)^[23]; Jakub Gersztowtt^[24], Jakub Giersztoft^[25] (1813 год).

Носьбіты

• Гірстолт — літоўскі баярын, які атрымаў наданьне ад вялікага князя Казімера

Ґірштаўты (Ґірштоўты) — літоўскі шляхецкі род^[26].