Дорг (імя)

Дорг, Дрога, Драга, Драка — мужчынскае імя і вытворнае ад яго прозьвішча.

Drogo
Паходжаньне
Мова(-ы)	германскія
Іншыя формы
Варыянт(ы)	Дрога, Драга, Драка
Зьвязаныя імёны	Даргіла, Доргень, Даргвойн, Драгат
Зьвязаныя артыкулы
якія пачынаюцца з «Дорґ»

Паходжаньне

Асноўны артыкул: Імёны ліцьвінаў

Дрога, Драга або Драка (Drogo, Drago, Draco) — імя германскага паходжаньня^[1][2]. Іменная аснова дрог- (дорг-) паходзіць ад бургундзкага drogo 'ваяр'^[2] або ад германскага dragan 'несьці, падтрымліваць'^[3]. Сярод ліцьвінаў бытавалі імёны Даргіла (Драгіл, Даргель, Драгал), Доргень (Доргін), Драгат. Адзначаліся германскія імёны Drogila (Drogulus), Drogen (Drogin), Drogat. Апроч таго, адзначалася германскае імя Darg^[4][5].

У Польшчы гістарычна бытавалі імёны Droga, Drogiel, Dargan (Drogan), Dargota, Dargusz (Dargasz, Drogusz, Drogosz), Dargomier (Drogomir), Dargorad (Drogoradz), Dargosław (Drogosław), Lederg, Świedarg^[6].

У Прусіі бытавалі імёны: Darghe (1435 год)^[7], Dargil / Dargel / Dargilo^[a] (1344 і 1392 гады), Drogenne^[b][10], Dargebut / Dargebute / Dargebudt^[c] (1363 год)^[7], Dargaude / Dargawde^[d][7], Dragothe (1414 год)^[10]. Апроч таго, у Прусіі бытавалі прозьвішчы Darge^[13][14][15] і Drage^[16].

У Ноўгарадзе, магчыма, бытавала імя Дарагабуд^[c]: Дорогобуде^[17].

У Польшчы ў XVII—XVIII стагодзьдзях адзначаліся прозьвішчы Darga, Dargiel, Dargosz^[18].

У Памор’і бытавала прозьвішча Darger^[19].

Варыянты імя ў гістарычных крыніцах: Dorge (Хроніка Прускай зямлі Мікалая зь Ярошына)^[20]; Darge (Паведамленьні аб літоўскіх дарогах)^[21]; Astyk cum fratre germano Dorgy (18 студзеня 1401 году)^[22]; Sudimundi Dorgyeowicz^[23], Sudimundi Dorgeowycz^[24] (Sudimund Dorgewicz^[25]; 1 верасьня 1431 году); пану Судимонъту Доркгевичу (Судимонът Доркгевич^[25], 1440—1492 гады)^[26]; пан Дорг (20 красавіка 1448 году^[27], 1440—1492 гады^[28]); Доркгъ (1440—1492 гады)^[29]; Dorgys Gethowthowycz (2 лістапада 1449 году)^[30]; Iwan Dorohowicz (13 чэрвеня 1456 году)^[31]; люди… а Драку зъ братомъ (28 чэрвеня 1456 году)^[32]; Михно Доркгевич(ъ) (18 чэрвеня 1482 году, 18 верасьня 1484 году, 17 сакавіка 1488 году^[33]); Михно Доркевичъ (23 лістапада 1486 году)^[34]; Михаилъ Доркгевичъ в Довъкгахъ (12 кастрычніка 1488 году)^[35]; панъ Миколаи Доркгевичъ (5 сьнежня 1492 году)^[36]; memoriae Nicolai Dorgowicz (каля 1500 году)^[37]; et Jacobo Dargowycz scabino et fratre eius Joanne (11 жніўня 1515 году)^[38]; ciuis caunensis Jacobus Dorgewicz… Dargewicz (1524 год)^[39]; пустовщины… Даркгишку (1537 год)^[40]; Минтовт Доркгович (1538 год)^[41]; cело Доркгевичи (1554 год)^[42]; Миколай Дороговичъ (1567 год)^[43]; Georgius Dragowicz medicinae doctor (27 сакавіка 1586 году)^[44]; Дракга Сименько… Ивань Дракга (1649 год)^[45]; Drakowicz (1671—1681 гады)^[46]; Piotr Dargiewicz (1675—1677 гады)^[47]; Jerzy Józef Draga (1799 год)^[48][e].

Носьбіты

• Дрога (каля 670—708) — герцаг Шампані
• Дрога Мэцкі (801—855 або 856) — біскуп Мэцу
• Дрога Міндэнскі († 902) — біскуп Міндэну
• Дрога Аснабруцкі († 967) — біскуп Оснабруку
• Дорг († па 1401) — літоўскі баярын, бацька Судзімонта Доргевіча
• Дорг Гетаўтавіч — літоўскі баярын, сын Гетаўта^[63]
• Дорг — літоўскі баярын, які ў 1448 годзе засьведчыў угоду Юрыя Астроскага; магчыма, ён жа атрымаў некалькі наданьняў ад вялікага князя Казімера
• Мікалай Доргевіч — доўгаўскі цівун
• Міхна Доргевіч — літоўскі баярын, які ўпамінаецца ў 1482, 1484, 1486, 1488 гадох
• Міхал Доргевіч — літоўскі баярын, які ўпамінаецца ў 1488 годзе
• Мацей Шымкавіч Дарговіч — расенскі зямянін, які ўпамінаецца ў 1573 годзе^[64]

Даргевічы (Dargiewicz) — літоўскі шляхецкі род з Троцкага павету^[65].

Доркі — літоўскі шляхецкі род^[66].

Даргевіч (Dargiewicz) і Драг (Drag) — прозьвішчы, зафіксаваныя ў XIX стагодзьдзі ў ваколіцах Сувалкаў^[67].

У XVI ст. існавала сяло Драгі (Драги) у Жамойцкім старостве^[68].

На гістарычнай Вількаміршчыне існуе вёска Дрогішкі, на гістарычнай Ашмяншчыне — Доргішкі, у гістарычнай Прусіі — Дарген.

Заўвагі

1. Адзначалася старажытнае германскае імя Drogila^[8]
2. Адзначалася старажытнае германскае імя Druogen^[9]
3. Адзначалася старажытнае германскае імя Dragobod^[11]
4. Адзначалася старажытнае германскае імя Dragoaldus^[12], Dracoald^[11]
5. Таксама:

   • Драгейка: Samuel Dragieyko^[49] (1690 год), boiar… Drogieykow (20 чэрвеня 1792 году)^[50];
   • Драган (адзначалася старажытнае германскае імя Droconis^[51], германскае імя Druggan^[52]): po Draganie (18 траўня 1588 году)^[53], sioło Wasiuny… Jan Dragon (3 студзеня 1664 году)^[54], nieboszczyka P. Drogoniewicza^[55];
   • Даргуш, Даркша: Даргушы і Даркшэвічы — літоўскія шляхецкія роды^[56], у Памор’і адзначалася прозьвішча Dargusch^[57];
   • Драгаўдзь (адзначалася старажытнае германскае імя Dragoaldus^[12], Dracoald^[11]): Dragowdzie (1744 год)^[58];
   • Драгайла: чоловековъ: Дрокгаило (7 лістапада 1442 году)^[59];
   • Драгінт: Daniel Drogint (1667 год)^[60]
   • Драгімін (адзначалася германскае імя Drugmanne^[61]): Drogyminischky (16 лютага 1410 году)^[62]