Зігіла (імя)

Зігіла, Жыгіла (Жыгла, Жыгуль), Сыгіла (Сігіл, Сыгель, Шыгель), Зегель (Зекель, Секіл) — мужчынскае імя і вытворнае ад яго прозьвішча.

Sigilo
Паходжаньне
Мова(-ы)	германскія
Утворанае ад	Sigo + суфікс з элемэнтам -л- (-l-)
Іншыя формы
Варыянт(ы)	Жыгіла, Сыгіла, Сігіл, Сыгель, Шыгель, Жыгуль, Жыгла, Зегель, Зекель, Секіл
Зьвязаныя артыкулы
якія пачынаюцца з «Зіґіла»

Паходжаньне

Асноўны артыкул: Імёны ліцьвінаў

Зігіла, Сігіла, Зегіль або Сегіль, пазьней Зікель (Sigilo, Segil, Sickel, Siekel) — імя германскага паходжаньня^[1]. Іменная аснова сіг- (зыг-, зег-) (імёны ліцьвінаў Зігібут, Зыгел, Жыгімонт; германскія імёны Sigibot, Sigel, Sigimunt) паходзіць ад гоцкага і бургундзкага sigus 'перамога'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Sekiel (Sekil, Sekel, Zekiel, Zekil, Zekel)^[3].

У Польшчы адзначаецца прозьвішча Жыгілевіч (Żygilewicz)^[4].

Варыянты імя ў гістарычных крыніцах: Hryszko Siekiel… Mothel Ziekieliew. <…> Marczin Ziegieliew. <…> Macziey Ziegieliewic (1558 год)^[5]; Андрей Секилъ (1566 год)^[6]; Jurko Siekiel… Szymul Siekiel (6 студзеня 1700 году)^[7]; Wasyl Szykieło… Semen Szykieło (30 студзеня 1779 году)^[8]; Franciszek Żygło (9 лютага 1791 году)^[9]; Mikołaj Sygiel (1806 год)^[10]; Anna Sygilla (1828 год)^[11]; Wincenty Żygulewicz… Luciam Żygulowna (XIX ст.)^[12].

Носьбіты

• Зігіла († 1194) — канцлер імпэратара Сьвятой Рымскай імпэрыі Генрыха VI Гогенштаўфэна
• Мартын Сігіл — жыхар вёскі Ятвезі (Гарадзенскі павет), які ўпамінаецца ў 1770 годзе^[13]

Шыгель (Szygiel), Жыгіла або Зыгіла (Zygillo, Zygilo) — прозьвішча, зафіксаванае ў XIX стагодзьдзі ў ваколіцах Сувалкаў^[14].