Канстанцінава (Берасьцейская вобласьць)

Канстанці́нава^[1] — былая вёска на тэрыторыі сучаснага Пружанскага раёну Берасьцейскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Канстанцінава.

Канстанцінава
Краіна:	Беларусь
Вобласьць:	Берасьцейская
Раён:	Ружанскі
Сельсавет:	Малочкаўскі
Часавы пас:	UTC+3
Тэлефонны код:
Нумарны знак:	1
Геаграфічныя каардынаты:	52°51′27.7″ пн. ш. 24°52′2.2″ у. д.
Канстанцінава на мапе Беларусі ± Канстанцінава Канстанцінава

Мінуўшчына

Канстанцінава і суседняе Паўлава паўсталі на землях, выкупленых жыдамі ў Сапегаў^[2]. Паселішчы атрымалі назву ў гонар прадстаўнікоў царскай сям’і^[3]. У 1850 року пачалося засяленьне жыдамі-перасяленцамі зь Ясянёўкі, Пяскоў, Лыскава і Ваўкавыску, якія займаліся земляробствам^[4].

За расейскім часам — калёнія ў Ружанскай воласьці Слонімскага павету Гарадзенскай губэрні^[5]. На пачатку XX стагодзьдзя 219 жыхароў, 11 двароў, 622 дзесяціны, жыдоўскі малітоўны дом.

За польскім часам — калёнія ў гміне Ружана Косаўскага павету Палескага ваяводзтва^[6].

Зь верасьня 1939 року ў складзе БССР, з 15 студзеня 1940 у Малочкаўскім сельсавеце^[7] Ружанскага раёну Берасьцейскай вобласьці.

У Другую сусьветную вайну ўсё жыдоўскае насельніцтва вёскі пераселенае ў Ружанскае гета, ліквідаванае ўвосені 1942 року. Вёска спаленая нацыстамі разам з жыхарамі 8 ліпеня 1944^[8].