Ляхавічы (Мядзельскі раён)

Ля́хавічы^[1] — вёска ў Мядзельскім раёне Менскай вобласьці. Ляхавічы ўваходзяць у склад Слабадзкога сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ляхавічы (неадназначнасьць).

Ляхавічы
трансьліт. Liachavičy
Краіна:	Беларусь
Вобласьць:	Менская
Раён:	Мядзельскі
Сельсавет:	Слабадзкі
Насельніцтва:	3 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222390
СААТА:	6240850036
Нумарны знак:	5
Геаграфічныя каардынаты:	54°53′17″ пн. ш. 27°2′53″ у. д.
Ляхавічы на мапе Беларусі ± Ляхавічы Ляхавічы

Гісторыя

• 1847 год — зьяўляліся маёнткам Вялейскага павету Віленскай губэрні і былі ўладаньнем Садоўскіх.
• 1904 год — на месцы вёскі існавалі 2 фальваркі Мядзельскай воласьці Вялейскага павету. Першы фальварак зьяўляўся ўладаньнем Граніцкага і налічваў 8 жыхароў, а другі быў уладаньнем Бутковічаў, Калінскіх, Вайцахоўскага і іншых, налічваў 38 жыхароў.
• 1921 год — засьценак у складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Засьценак налічваў 8 двароў і 46 жыхароў.
• 1931 — 10 двароў і 54 жыхароў^[2].
• 12 кастрычніка 1940 году вёска ўвайшла ў склад Мікасецкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). 19 двароў, 89 жыхароў.
• 1948 год — у вёсках Ляхавічы і Вусаўшчына створаны калгас імя Фрунзэ.
• З 1954 году вёска ўваходзіць у склад Старагабскага сельсавету.
• Таксама ў 1954 годзе вёска ўвайшла ў склад калгасу «Шлях Ільіча» з цэнтрам у вёсцы Зані.
• 20 студзеня 1960 году вёска ўвайшла ў склад Менскай вобласьці.

28 траўня 2013 году вёска перададзеная зь ліквідаванага Старагабскага сельсавету ў Слабадзкі сельсавет^[3].

Насельніцтва

• 20 стагодзьдзе: 1960 год — 40 жыхароў; 1 студзеня 1997 году — 6 двароў і 7 жыхароў; 1999 год — 7 жыхароў
• 21 стагодзьдзе: 2010 год — 3 жыхары