Малажын

Ма́лажын — вёска знаходзіцца ў Брагінскім раёне Гомельскай вобласьці й зьяўляецца цэнтрам Малажынскага сельсавету.

Малажын
трансьліт. Małażyn
Дата заснаваньня:	перад 1595 годам
Краіна:	Беларусь
Вобласьць:	Гомельская
Раён:	Брагінскі
Сельсавет:	Малажынскі
Насельніцтва:	513 чал. (2019)
Часавы пас:	UTC+3
Тэлефонны код:	+375 2344
Паштовы індэкс:	247642
Нумарны знак:	3
Геаграфічныя каардынаты:	51°44′26″ пн. ш. 30°30′28″ у. д.
Малажын на мапе Беларусі ± Малажын Малажын
Галерэя здымкаў у Вікісховішчы

Гісторыя

Карона Каралеўства Польскага

У пісьмовых крыніцах найраней паселішча згаданае 1 жніўня 1595 году^[a], якім пазначана каралеўская^[b] «Danina selca Malezyna y dubrowy Poteszowki y Osieka» у Любецкай воласьці Кіеўскага ваяводзтва шляхетнаму Пацею Станіслававічу Сурыну^[2].

Надалей Малежын прысутны ў люстрацыі старостваў Кіеўскага ваяводзтва 1616 году. Належаў да Любецкага староства, якое пажыцьцёва трымаў пан Мікалай Струсь. Агульны пабор з 6 падданых складаў 27 злотых^[3].

Пад уладай Расейскай імпэрыі

Герб Радван зьменены роду Юдыцкіх.

У выніку другога падзелу Рэчы Паспалітай (1793) Малажын – у межах Рэчыцкай акругі Чарнігаўскага намесьніцтва (губэрні), з 1796 г. у складзе тэрытарыяльна ўпарадкаванага Рэчыцкага павету спачатку Маларасейскай, а з 29 жніўня 1797 г. Менскай губэрні Расейскай імпэрыі^[4]. У крыніцы, заснаванай на зьвестках рэвізіі 1795 году, сказана, што вёска Малежын у складзе Лоеўскіх добраў належала генэралу-лейтэнанту польскай службы Юзафу Юдыцкаму^[5].

У парэформавы пэрыяд вёска Малажын адміністрацыйна належала да Дзяражыцкай воласьці.

Згодна зь перапісам 1897 году ў Малажыне — 125 двароў, 892 жыхары^[1]. На 1909 год у вёсцы налічвалася 188 двароў, 1162 жыхароў, побач месьціўся аднадворны фальварак з 3 жыхараміку^[6].

Найноўшы час

9 лютага 1918 года, яшчэ да падпісаньня Берасьцейскага міру з бальшавіцкай Расеяй (3 сакавіка), Нямеччына перадала паўднёвую частку Беларусі Украінскай Народнай Рэспубліцы. У адказ на гэта, 9 сакавіка Другой Устаўной граматай тэрыторыя абвешчана часткай Беларускай Народнай Рэспублікі. Малажын у складзе Дзяражыцкай воласьці Рэчыцкага павету, аднак, апынуўся ў часова створанай 15 чэрвеня Палескай губэрні з цэнтрам у Рэчыцы, з кастрычніка — у Мазыры. З 18 траўня тут дзейнічала «варта Украінскай Дзяржавы» гэтмана Паўла Скарападзкага^[7].

1 студзеня 1919, згодна з пастановай І зьезду КП(б) Беларусі Рэчыцкі павет увайшоў у склад Сацыялістычнай Савецкай Рэспублікі Беларусі, але 16 студзеня разам зь іншымі этнічна беларускімі тэрыторыямі быў далучаны да РСФСР

Насельніцтва

• 2019 год — 204 двары, 513 жыхароў^[8]

Заўвагі

1. Не з XVIII ст. і не ў Дзяражыцкай воласьці (бо да 1860-х гг. не існавала), як пісаў С. В. Марцэлеў^[1]
2. Жыгімонта Вазы.