Маста

Маста (Масьць, Машт, Мешт), Мост (Мосьць) — мужчынскае імя і вытворнае ад яго прозьвішча.

Masto
Паходжаньне
Мова(-ы)	германскія
Іншыя формы
Варыянт(ы)	Масьць, Машт, Мешт, Мост, Мосьць, Мэйшт
Зьвязаныя імёны	Масьціла, Масьцін, Мастаўт, Масьцівіл
Зьвязаныя артыкулы
якія пачынаюцца з «Маста»

Паходжаньне

Асноўны артыкул: Імёны ліцьвінаў

Маста (Masto) — імя германскага паходжаньня^[1]. Іменная аснова маст- паходзіць ад гоцкага maists 'найбольшы'^[1] або стараверхненямецкага mast 'доўгая жэрдка'^[2][a]. Сярод ліцьвінаў бытавалі імёны Масьціла (Масталь), Масьцін. Адзначаліся германскія імёны Mastilo (Mastal), Mastin.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Maszt і Miszt^[4].

У Прусіі бытавала прозьвішча Mast^[5].

Варыянты імя ў гістарычных крыніцах: Mosztiszky (9 траўня 1397 году)^[6]; перелаичане на имя Ямонтъ Мостевичъ (22 красавіка 1496 году)^[7]; чоловеки у Лынкгъменех… а Мостя (23 чэрвеня 1498 году)^[8]; чоловеки в Троцкомъ повете у в Олитскои волости на имя Рачка а Бутя а Мостухна Монтримовичовъ (11 верасьня 1504 году)^[9]; Анъдрея Мостовичъ^[10] (1528 год); Юръи Олехновичъ з Мештовичъ (1567 год)^[11]; Stefan Mostowicz (1621 год)^[12]; Matiasz Mosztowicz (1690 год)^[13]; Mesztowicze (1744 год)^[14]; Katarzyna Mastowicz (1776 год)^[15]; Franciszek Masta (1801 год)^[16][b].

Носьбіты

• Андрэй Моставіч (Мастовіч) — ясвойнаўскі баярын, які ўпамінаецца ў попісе войска Вялікага Княства Літоўскага 1528 году
• Буцька Мосьцевіч (Масьцевіч) і Юры Моставіч (Мастовіч) — жыхары Жамойцкага староства, якія ўпамінаюцца ў 1537—1538 гадох^[26]
• Стэфан Мастовіч — шляхціч Жамойцкага староства, які ўпамінаецца ў 1621 годзе

Мастовічы (Mostowicz) гербу Даленга — літоўскі шляхецкі род^[27].

Мяштовічы — літоўскі шляхецкі род^[28].

Мэйштовіч (Meysztowicz) — прозьвішча, зафіксаванае ў XIX стагодзьдзі ў ваколіцах Сувалкаў^[29].

У гістарычнай Прусіі існуе вёска Машты, на гістарычнай Слонімшчыне — Мештавічы.

Заўвагі

1. Польска-летувіская аўтарка Юстына Вальковяк прызнае брак адэкватнага тлумачэньня іменнай асновы -міш- (-між-) зь летувіскай мовы^[3]
2. Таксама:

   • Масьцейка, Мастыка, Місьціх: nobilibus… Johanne Mostykowicz (28 лютага 1496 году)^[17], Иванъ Мостыка (1528 год)^[18], Станиславъ Мистиховичъ… Матысъ Мистиховичъ (1567 год)^[19], Mosteyki (1744 год)^[14];
   • Містан, Міштун: Mikołaj Mistanowicz (1667 год)^[20], Misztuny wieś (1831—1863 гады)^[21];
   • Маштвід: Daniel Lutyk na miejscu rodzica z Mosztwidów (1690 год)^[22];
   • Мэйштар, Мостэр: Magdalena Meysztarowa (1619­—1690 гады)^[23], Адольф Мостэр — зямянін Менскай губэрні, прадстаўлены ў 1863 годзе^[24];
   • Міштарт: Дашко Мишътортович кон. Юри Миштортовичъ кон. (1528 год)^[25]