Маўчаны (Менская вобласьць)

Маўчаны́^[1] — вёска ў Мядзельскім раёне Менскай вобласьці. Уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Маўчаны.

Маўчаны
трансьліт. Maŭčany
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	18 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222381
Нумарны знак:	5
Геаграфічныя каардынаты:	54°58′36″ пн. ш. 26°50′54″ у. д.
Маўчаны на мапе Беларусі ± Маўчаны Маўчаны

Гісторыя

• 1868 год — вёска ў складзе Мядзельскай воласьці Вялейскага павету Віленскай губэрні. Вёска налічвала 9 двароў і 85 жыхароў.
• 1904 год — насельніцтва вёскі складала 145 жыхароў. Побач зь вёскай знаходзіліся засьценак Маўчаны, які зьяўляўся ўладаньнем Паклеўскага-Казелы і насельніцтва якога складала 13 жыхароў, і засьценак Маўчаны або Ралаўцы з насельніцтвам у 8 чалавек, які зьяўляўся ўладаньнем Кунцэвіча.
• 1921 год — вёска налічвала 19 двароў і 88 жыхароў, засьценак — 2 двары і 14 жыхароў.
• 1931 год — вёска налічвала 31 двароў і 161 жыхароў, засьценак — 5 двары і 27 жыхароў^[2].
• У 1921—1939 гадох — вёска і засьценак у складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва.
• З 12 кастрычніка 1940 году — у складзе Латвянскага сельсавету Пастаўскага раёну (з 25 лістапада 1940 году — Мядзельскага) Вялейскай вобласьці (з 20 верасьня 1944 году — Маладэчанскай).
• 1949 год — у вёсцы створаны калгас імя А. Матросава.
• З 1954 году вёска знаходзіцца ў складзе калгасу «40 гадоў Кастрычніка» з цэнтрам у вёсцы Лотва.
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 124 жыхароў.

29 верасьня 2006 году перададзеная зь ліквідаванага Лацьвянскага ў Мядзельскі сельсавет^[3].

Насельніцтва

• 2010 год — 18 жыхароў
• 1999 год — 31 жыхар
• 1 студзеня 1997 году — 20 двароў, 36 жыхароў