Мікалаева (Берасьцейская вобласьць)

Мікала́ева^[2] — вёска ў Камянецкім раёне Берасьцейскай вобласьці, уваходзіць у Войскі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мікалаева.

Мікалаева
трансьліт. Mikalajeva
Вёска Мікалаева з боку Камянцу
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Войскі
Насельніцтва:	259 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225069[1]
Нумарны знак:	1
Геаграфічныя каардынаты:	52°25′0″ пн. ш. 23°42′0″ у. д.
Мікалаева на мапе Беларусі ± Мікалаева Мікалаева
Галерэя здымкаў у Вікісховішчы

Мікалаева месьціцца на левым беразе ракі Крывулі за 1 км ад месца яе зьліцьця з ракой Лясной, за 1 км на паўднёвы ўсход ад аўтадарогі Высокае — Кобрынь (Р102), за 4 км на захад ад Камянцу, за 41 км на поўнач ад Берасьця, за 26 км на ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• 2-я палова XIX ст.: сяло ў Камянец-Літоўскай воласьці Берасьцейскага павету Гарадзенскай губэрні Расейскай імпэрыі, дзяржаўная ўласнасьць.
• 1857: паводле 10-й рэвізіі 98 рэвіскіх душ.
• 1885: 27 двароў, 191 жыхар, царква, школа, карчма.
• 1897: паводле перапісу ў складзе Мікалаеўскай сельскай грамады, 36 двароў, 248 жыхароў, Веліка-Ельнянская царква, народнае вучылішча, хлебазапасная крама, цагельня, карчма.
• 1905: 281 жыхар.
• 1921: у выніку Польска-савецкай вайны па Рыскай мірнай дамове ў складзе Польшчы, у Камянец-Літоўскай гміне Берасьцейскага павету Палескага ваяводзтва.
• 1923: 45 гаспадарак, 246 жыхароў.
• 1939: у выніку Пакту Молатава-Рыбэнтропа ў складзе Берасьцейскай вобласьці БССР.
• 1940: у вёсцы 54 двары, 280 жыхароў, пачатковая школа. Цэнтар Мікалаеўскага сельсавету Камянецкага раёну Берасьцейскай вобласьці. Плошча тэрыторыі сельсавету складала 45 км², уваходзілі 13 паселішчаў (460 двароў, 2206 жыхароў), дзейнічалі 2 цагельныя заводы, 2 ветраныя млыны, 3 пачатковыя школы.
• 1941—1945: у 2-ю сусьветную вайну на франтах загінулі і прапалі бяз вестак 12 вяскоўцаў.
• 1948: у пачатковай школе 32 вучні.
• 1950: 67 двароў, 256 жыхароў, калгас імя Гуляева.
• 1954: у Ратайчыцкім сельсавеце.
• 1960: 274 жыхары.
• 1964: у Камянецкім сельсавеце.
• 1970: 255 жыхароў, у калгасе імя Леніна.
• 1986: у Войскім сельсавеце.

Насельніцтва

• 2010 год — 259 жыхароў
• 2005 год — 289 жыхароў, 117 двароў^[3]
• 1999 год — 306 жыхароў

Інфармацыя для турыстаў

Царква Сьв. Параскевы Пятніцы

У вёсцы маецца драўляная царква Сьв. Параскевы Пятніцы (канец XIX ст.)^[4], паводле іншых зьвестак, мае назву Сьв. Мікалая^[5]. Царква ўваходзіць у Сьпіс гісторыка-культурных каштоўнасьцяў Рэспублікі Беларусь, зьяўляецца аб’ектам 3-й катэгорыі (рэгіянальнага значэньня).

Таксама ёсьць помнік землякам, якія загінулі ў Другую сусьветную вайну.

Інфраструктура

У складзе калектыўнага сялянскага аб’яднаньня «Колас». У вёсцы працуе базавая школа, клюб, амбуляторыя, аддзяленьне сувязі, 2 крамы.