Мілят

Мілят, Мілёт — мужчынскае імя і вытворнае ад яго прозьвішча.

Milliot
Паходжаньне
Мова(-ы)	германскія
Утворанае ад	Melo + Joto
Іншыя формы
Варыянт(ы)	Мілёт, Мялюта
Зьвязаныя артыкулы
якія пачынаюцца з «Мілят»

Паходжаньне

Асноўны артыкул: Імёны ліцьвінаў

Мэлёт або Мілёт (Melot^[1][2], Millot, Milliot) — імя германскага паходжаньня^[3]. Іменная аснова -міл- (-мел-) (імёны ліцьвінаў Мілейка, Мельвід, Мільконт; германскія імёны Milleke, Melvid, Milgunt) паходзіць ад гоцкага mildeis 'мяккі, прыязны'^[4][5], а аснова -ют- (-ят-) (імёны ліцьвінаў Ютэль, Даўят, Карыят; германскія імёны Jutilo, Dowyatt, Cariatto) — ад гоцкага iuþa, старагерманскага joþ 'дзіцё, народзінец, нашчадак'^[6].

Германскае паходжаньне імя Мілёта сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[7].

У Ноўгарадзе бытавала імя Мілята^[8].

Варыянты імя ў гістарычных крыніцах: homines… Myloth (9 кастрычніка 1486 году)^[9]; еишишчане… з братьею своею, Анъдреем Милятовичомъ (1524 год)^[10]; бояринъ еишисский на имя Амъброс Милятовичъ… отцу его Миляту (19 верасьня 1525 году)^[11]; Амъброс Милятовичъ^[12]; Омъброс Милятовичъ^[13] (1528 год); Мелюто (1537—1538 гады)^[14]; Marianna Milot (1825 год)^[15].

Носьбіты

• Амброс Мілятавіч — эйшыскі баярын, які ўпамінаецца ў лісьце 1525 году і ў попісе войска Вялікага Княства Літоўскага 1528 году
• Амброс Мілятавіч — ляпунскі баярын, які ўпамінаецца ў попісе войска ВКЛ 1528 году

Глядзіце таксама

• Міл
• Ят