Карыят (імя)

Карыят — мужчынскае імя і вытворнае ад яго прозьвішча.

Cariatto
Паходжаньне
Мова(-ы)	германскія
Утворанае ад	Caro + Joto Caro + Hatho
Іншыя формы
Зьвязаныя імёны	Jutcar
Зьвязаныя артыкулы
якія пачынаюцца з «Карыят»

Паходжаньне

Асноўны артыкул: Імёны ліцьвінаў

Карыята або Карыета (Cariatto^[a][3], Carietto) і Юткар (Jutcar) — імёны германскага паходжаньня^[4]. Іменная аснова -кар- (-кор-) (імёны ліцьвінаў Каргоўт, Караман, Карымонт; германскія імёны Caragolt, Caroman, Caromond) паходзіць ад гоцкага kaurus 'цяжкі, важкі'^[5] або гоцкага^[6] і бургундзкага kara 'турбота, клопат'^[7], а аснова -ют- (-ят-) (імёны ліцьвінаў Ютэль, Вілят, Даўят; германскія імёны Jutilo, Wiliatus, Dowyatt) — ад гоцкага iuþa, старагерманскага joþ 'дзіцё, народзінец, нашчадак'^[8]. Такім парадкам, імя Карыят азначае «цяжкі народзінец»^[9].

Адпаведнасьць імя Карыят германскаму імю Cariatto (Carietto, Charietto) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[10].

У Прусіі бытавала імя Карыят: Cariothe (1308, 1361 і 1418 гады)^[11], Kariote (1335 год)^[12], Kariothe (1342 і 1392 гады)^[11], Karioth (1399 год)^[11], Korioth (1540 год)^[11]. Апроч таго, у Прусіі бытавала прозьвішча Kariot (Karioth)^[13][14], у тым ліку ў ваколіцах Мэмэлю^[15].

У Польшчы ў 1730 годзе адзначалася прозьвішча Kariot, у 1785 годзе — Koriott (Koriot)^[16].

Варыянты імя ў гістарычных крыніцах: а за великого князя Олькерта и за Корьята^[17] (1352 год)^[18]; Кориата князя новогородского (па 1350-х гадох^[19])^[20]; ducis Koryati (14 жніўня 1358 году)^[21]; domino magnifico duce Allexandro Coriati (1368 год)^[22]; Koriath^[b] або Коріать^[c] (Летапісец вялікіх князёў літоўскіх); Коріядъ^[23][24], князь Левъ Корьядовичь^[25][26] (Наўгародзкі чацьверты летапіс і Сафійскі першы летапіс); Tyeduor Coryathowicz (1469 год)^[22]; Коріадъ^[27], Коріядъ^[28], брату своему Каріаду Гедимановичю^[29] (Ніканаўскі летапіс); Krzysztoph Koryat (1675—1677 гады)^[30].

Носьбіты

• Карыята († па 585) — біскуп Жэнэвы
• Карыят Гедзімінавіч (у праваслаўі Міхайла; 1306 — паміж 1358 і 1366) — дзяржаўны дзяяч Вялікага Княства Літоўскага, князь наваградзкі; меў сыноў Аляксандра, Юрыя, Канстантына і Фёдара, пачынальнік роду Карыятавічаў

Глядзіце таксама

• Кара
• Ят

Заўвагі

1. Cariatto (3 ліпеня 529 году і 22 чэрвеня 585 году^[1], хроніка Фрэдэгара сярэдзіны VII стагодзьдзя^[2])
2. Паводле Origo regis Jagyelo et Wytholdi ducum Lithuanie
3. Паводле Віленскага сьпісу