Новае Высокае (Гомельская вобласьць)
вёска ў Беларусі From Wikipedia, the free encyclopedia
Remove ads
Но́вае Высо́кае[1] — вёска ў Беларусі, каля мэліярацыйных каналаў. Уваходзіць у склад Старавысокаўскаага сельсавету Ельскага раёну Гомельскай вобласьці. Насельніцтва 88 чал. (2004). Знаходзіцца за 20 км на захад ад места і чыгуначнай станцыі Ельск (лінія Каленкавічы — Оўруч), за 197 км ад Гомелю. Аўтамабільная дарога зьвязвае вёску зь Ельскам.
Remove ads
Гісторыя
Упершыню паселішча згадваецца ў XVIII ст., калі вёска Высокае Мазырскага павету Менскага ваяводзтва падзялілася на дзьве — Старое і Новае Высокае.
У выніку другога падзелу Рэчы Паспалітай (1793) Новае Высокае апынулася ў складзе Расейскай імпэрыі, у Мазырскім павеце Менскай губэрні. У 1897 вёска ўваходзіла ў склад Скараднянскай воласьці. У 1907 тут адкрылася школа.
Насельніцтва
- XIX стагодзьдзе: 1897 — 42 двары, 342 жыхары (паводле перапісу)
- XX стагодзьдзе: 1921 — 87 двароў, 538 жыхароў; 1940 — 135 двароў, 380 жыхароў; 1959 — 102 жыхары (паводле перапісу); 1999 — 110 жыхароў
- XXI стагодзьдзе: 2004 — 36 гаспадарак, 88 жыхароў[2]
Крыніцы
Літаратура
Wikiwand - on
Seamless Wikipedia browsing. On steroids.
Remove ads