Пацолт

Пацолт (Пецальт) — мужчынскае імя і вытворнае ад яго прозьвішча.

Pazolt
Паходжаньне
Мова(-ы)	германскія
Утворанае ад	Pazzo + Wald Petz + Wald
Іншыя формы
Варыянт(ы)	Пецальт
Зьвязаныя артыкулы
якія пачынаюцца з «Пацолт»

Паходжаньне

Асноўны артыкул: Імёны ліцьвінаў

Пэцальд або Пацольт (Petzold, Pätzold^[1], Pazolt^[2], Patzolt^[3]) — імя германскага паходжаньня^[4]. Іменная аснова пац- (бац-, пэц-) паходзіць ад стараверхненямецкага baz 'лепшы'^[5] або ад хрысьціянскага імя Petrus^[1], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Pacołt (Paczołt, Pacułt, Paczułt, Pecołt, Peczołt)^[7].

У Чэхіі бытавала імя Pacolt^[8].

Варыянты імя ў гістарычных крыніцах: на именья Пацолтовские… уво Мстиславском повете… дочку Пацолтову, сестру Ивашка Пацолтовича, на имя Федку, и тесть его Пацолтъ… шурина его Ивашка Пацолтовича (1 красавіка 1498 году)^[9]; Пацолтъ держал и сын его Ивашко (9 красавіка 1499 году)^[10]; Pocaltow (1744 год)^[11].

Носьбіты

На гістарычнай Амсьціслаўшчыне існуе вёска Падсолтава (Пацолтава). У гістарычнай Прусіі існуюць дзьве вёскі з назвай Пацултова.

У акце Вялікага Княства Літоўскага ўпамінаўся Пецальт (Пецольт)^[12].

Глядзіце таксама

• Пац
• Валд