Бень

Бень, Бінь — мужчынскае імя і вытворнае ад яго прозьвішча.

Ben
Паходжаньне
Мова(-ы)	германскія
Іншыя формы
Варыянт(ы)	Бінь
Зьвязаныя імёны	Бінейка, Бінель, Беняш, Бінгель, Бенат, Бінэрт, Бімунт
Зьвязаныя артыкулы
якія пачынаюцца з «Бень»

Паходжаньне

Асноўны артыкул: Імёны ліцьвінаў

Бена, Бен або Біна (Beno, Ben, Bino^[1]) — імя германскага паходжаньня^[2]. Іменная аснова бін-, магчыма, паходзіць ад стараверхненямецкага bina 'пчала'^[3]. Сярод ліцьвінаў бытавалі імёны Беніка, Бінель, Бінгель, Бенат, Бінэрт, Бімунт. Адзначаліся германскія імёны Bennico, Benilo, Bengel, Bennato, Benert, Bemund. Іменная аснова бен- магла ўтварыцца як скарот (гіпакарыстык) асновы берн- (бірн-)^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Binar^[5]. Апроч таго, у Польшчы гістарычна бытавала імя Бень^[6].

У 1555 годзе ў Каралявецкім унівэрсытэцце навучаўся Dauid Binewald, filius pastoris in Hohenstein, Prutenus, у 1605 годзе — Christoforus Benerus, Zintensis Borussus, у 1607 годзе — Johannes Biehn, Freudenauensis Borussus, у 1623 годзе — Georgius Benert^[a]… Dantiscani Borussi… Andreas Bihn, Fredenauiensis Borussus, у 1633 годзе — Johannes Bien, Morungensis Borussus^[8].

Варыянты імя ў гістарычных крыніцах: перелаичане… а Яцъко Беневичъ (22 красавіка 1496 году)^[9]; у Василишскомъ повете людеи на имя Ростя Бяневича (4 кастрычніка 1499 году)^[10]; чоловеков тяглых у волости Дорсунишскои… а Микля Биневича (26 студзеня 1516 году)^[11]; Beniszki (1744 год)^[12]; Jan Biniewicz… Jerzy Biniewicz (21 жніўня 1780 году)^[13][b].

Носьбіты

• Мікалай Бэна (Mikołaj Beno) — алтарыст з кракаўскага Казімежа, які ўпамінаецца ў 1410 годзе^[19]

Бені (Bień) — прыгонныя зь вёскі Дунаю (Ашмянскі павет), якія ўпамінаюцца ў XIX стагодзьдзі^[20].

Бяневічы (Beniewicz) — літоўскі шляхецкі род зь Вільні^[21].

Беневічы (Bieniewicz) гербу Радван — літоўскі шляхецкі род зь Вільні^[22].

Біневічы — літоўскі шляхецкі род^[23].

Беневіч (Bieniewicz) — прозьвішча, зафіксаванае ў XIX стагодзьдзі ў ваколіцах Сувалкаў^[24].

На гістарычнай Лідчыне існуе вёска Беневічы, на гістарычнай Ашмяншчыне — Бяняны.

Заўвагі

1. Адзначалася старажытнае германскае імя Benard^[7]
2. Таксама:

   • Бінвін: а Болътромея Бинъвиновича — бояр радуньских (18 жніўня 1541 году)^[14];
   • Бэнкін (адзначалася старажытнае германскае імя Bennichin^[15], германскае імя Benekinus^[16]): Бэнкіны (Benkin) гербу Кораб — літоўскі шляхецкі род з ваколіцаў Шаўляў^[17];
   • Бэнэтаўт: Бэнэтаўты (Benetowt) гербу Ліс — літоўскі шляхецкі род зь Вількамірскага павету^[18]