Рэйн (імя)

Рэйн (Рэйнь, Райнь) — мужчынскае імя і вытворнае ад яго прозьвішча. Жаночае імя — Рэйна (Райна).

Rein
Паходжаньне
Мова(-ы)	германскія
Іншыя формы
Варыянт(ы)	Рэйнь, Райнь, Рэйна, Райна
Зьвязаныя імёны	Рэйнальд, Рэнігер, Рэйнар, Раймунд
Зьвязаныя артыкулы
якія пачынаюцца з «Рэйн»

Паходжаньне

Асноўны артыкул: Імёны ліцьвінаў

Рэйн, Райна або Рэйна (Rein, Raino, Reyne) — імя германскага паходжаньня^[1]. Іменная аснова -раг- (-рэг-) / раган- (рэйн-) (імёны ліцьвінаў Рагла, Рагін, Рагвалод; германскія імёны Ragilo, Ragenus, Ragvald) паходзіць ад гоцкага raginon 'гаспадарыць, судзіць, выракоўваць', ragin 'вырак'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Rejn (Rena), Rejnko, Rejbołt (< Rejmbołt), Rejner (Rajner, Rener), Rejnman, Rejmer (Rejmar), Rejmund, Rejnołt (Renołt, Rynałt^[3])^[4].

У Прусіі бытавалі імёны Reynke / Reyniko^[a] (1407 і 1419 гады)^[5], Reynboto / Reynbotte^[b] (1299, 1314 і 1400 гады)^[7][5], Raymoth / Reimot^[c][9], Reynoth^[d][5]. У ваколіцах Мэмэлю бытавалі імёны Рэйнаўд^[e], Рэймунт (Раймунт)^[f] і Рэйнант^[g]: Mattis Reynaud… Sargusch Reymundt… Jacuf Reynnanth… Jan Raymunth (1511—1520 гады)^[13]. У 1621 годзе ў Каралявецкім унівэрсытэце навучаўся Petrus Reinhardus, Waltersdorfensis Borussus, у 1650 годзе — Petrus Reinhardi, Hieropolitanus Prussus^[14].

Германскае імя Reyneke бытавала ў XV ст. у Рызе^[15].

Варыянты імя ў гістарычных крыніцах: меръника Миколая Косевского Реину (1 ліпеня 1560 году)^[16]; Jacobus Reyniewicz (1699 год)^[17]; Reyn Łukszan… Andrzey Stypan, Rein Stypan (1712 год)^[18]; Anna Reyniowa (11 чэрвеня 1719 году)^[19]; Reina Sienkoniowa (24 ліпеня 1735 году)^[20]; Reina Bielewiczowna (16 студзеня 1738 году)^[21]; Reynie (1744 год)^[22]; Reina Mingayłowna (27 кастрычніка 1776 году)^[23]; Teresa Rejno (1802 год)^[24]; Teresa Rajno (1814 год)^[25]; Teresa Reyno (1821 год)^[26][h].

Носьбіты

• Рэйна Балтрамееўна Ягінтовіч — расенская зямянка, якая ўпамінаецца ў 1581 годзе^[37]
• Ганна, Дарота, Катрына, Рэйна, Пётар, Станіслаў і Марцін Тамашавічы Гелгудовічы — расенскія зямяне, якія ўпамінаюцца ў 1590 годзе^[38]
• Марцін Рэйн — віленскі мешчанін, які ўпамінаецца ў 1668 годзе^[39]

Райневічы — літоўскі шляхецкі род^[40].

На 1906 год існавала вёска Рэйні і дзьве вёскі з назвай Рэйнішкі ў Дзьвінскім павеце, а таксама фальварак Рэйнікі і вёска Рэйнева ў Рэжыцкім павеце Віцебскай губэрні^[41].

На гістарычнай Браслаўшчыне існуе вёска Рэйны.

Глядзіце таксама

• Дэйна
• Мэйн
• Эйна

Заўвагі

1. Адзначалася старажытнае германскае імя Reinike (Reinco)^[1]
2. Адзначалася старажытнае германскае імя Reginbot, пазьнейшае Reinboth^[6]
3. Адзначалася старажытнае германскае імя Reimod (< Reginmot)^[8]
4. Адзначалася старажытнае германскае імя Rainattus^[10]
5. Адзначалася старажытнае германскае імя Reinald^[11]
6. Адзначалася старажытнае германскае імя Reimund^[12]
7. Адзначалася старажытнае германскае імя Reginnant^[12]
8. Таксама:

   • Рэмэр (адзначалася германскае імя Remer, Remmer^[27]): Remerowicz / Remirowicz (1500 год)^[28];
   • Рэмбэр (адзначалася старажытнае германскае імя Ragenber^[29]): Remberowicz (1782 год)^[30], Рэмбяровічы — літоўскі шляхецкі род^[31];
   • Рэйнальт (адзначалася старажытнае германскае імя Rainald^[11]): Jerzy Reynaltt (1798 год)^[32];
   • Рэйнад (адзначалася старажытнае германскае імя Rainhad^[33]): Anna Rejnad (1805 год)^[34];
   • Рэймін (адзначалася германскае імя Reimann^[35]): Agata Rejmin (1811 год)^[36]