Раймунд

Раймунд (Рэймунд), Раймунт (Рэймунт, Раймонт, Рэймант) , Раймонд — мужчынскае імя і вытворнае ад яго прозьвішча.

Raimund
Паходжаньне
Мова(-ы)	германскія
Утворанае ад	Raino + Mund
Іншыя формы
Варыянт(ы)	Рэймунд, Раймунт, Рэймунт, Раймонт, Рэймант
Вытворныя формы	Рыгмонт
Зьвязаныя артыкулы
якія пачынаюцца з «Раймунд»

Паходжаньне

Асноўны артыкул: Імёны ліцьвінаў

Рагінмунд, пазьней Раймунд або Раймонд (Raginmund, Raimund, Raymond) — імя германскага паходжаньня^[1][2][3]. Іменная аснова -раг- (-рэг-) / раган- (рэйн-) (імёны ліцьвінаў Рагла, Рагін, Рагвалод; германскія імёны Ragilo, Ragenus, Ragvald) паходзіць ад гоцкага raginon 'гаспадарыць, судзіць, выракоўваць', ragin 'вырак'^[4], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[5] або гоцкага munds 'моц розуму, імкненьне', mundrs 'гарлівы, палкі'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Rajmund (Rejmund)^[6]. Прыдомкам Рэгмунт (варыянты — Рэгмант, Рэймант^[7]) карыстаўся шляхецкі род Сабяшанскіх зь Люблінскага ваяводзтва^[8].

Імя Рэймунт (Раймунт) бытавала ў Прусіі (ваколіцы Мэмэлю): Sargusch Reymundt… Jan Raymunth… Jan Raymunt (1511—1520 гады)^[9].

Варыянты імя ў гістарычных крыніцах: Józef Kazimierz Rejmunt (1781 год)^[10]; Dapkiewicz Rajmund (1790—1791 гады)^[11]; Rogowski Rajmunt (1790—1791 гады)^[12]; xiądz Raymund Symonowicz (1796 год)^[13]; Anna Reymont (1808 год)^[14]; Dorota Raymont (1815 год)^[15].

Носьбіты

• Раймунд I (каля 815/820 — каля 865) — граф Ліможу
• Раймунд I († 961) — граф Руэргу
• Раймунд Нонат (1204—1240) — кардынал, Сьвяты
• Раймунд Люліюс (1232—1315) — каталёнскі місіянэр, паэт, філёзаф і тэоляг
• Раймунд Зямацкі (1810—1863) — беларускі каталіцкі сьвятар, публічна пакараны сьмерцю ўладамі Расейскай імпэрыі за «вуснае злачынства» — чытаньне ў касьцёле Маніфэсту нацыянальна-вызвольнага паўстаньня
• Раймонд Шмітляйн (1904—1974) — францускі лінгвіст і палітык
• Раймунд Качынскі (1922—2005) — польскі інжынэр

Раймунды-Яманты-Палевічы^[16] — літоўскі шляхецкі род.

Рэймунты (Rejmunt, Reymunt) гербу Божая воля — шляхецкі род Рэчы Паспалітай^[17] з Галіцкага павету^[18].

У гістарычных пісьмовых крыніцах беларускага арэалу адзначалася імя Раймунт (Raymunt)^[19].

На гістарычнай Віленшчыне існаваў маёнтак Раймундова (Rajmundowo)^[20].

На 1910 год існаваў хутар Рэймундава (Рэймундова) у Быхаўскім павеце Магілёўскай губэрні^[21].