Сарава

Са́рава^[1] — вёска ў Беларусі, каля ракі Лясной. Уваходзіць у склад Дзьмітравіцкага сельсавету Камянецкага раёну Берасьцейскай вобласьці. Знаходзіцца за 6 км на паўночны захад ад Камянцу, за 45 км на поўнач ад Берасьця, за 34 км на паўночны захад ад чыгуначнай станцыі Жабінка (лінія Берасьце — Баранавічы).

Сарава лац. Sarava
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	▼10 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065
СААТА:	1240820121
Нумарны знак:	1
Геаграфічныя каардынаты:	52°26′38″ пн. ш. 23°46′20″ у. д.
Сарава на мапе Беларусі ± Сарава Сарава

Назва

Асноўны артыкул: Сар

Сар або Сара (Sarus, Saro) — імя германскага паходжаньня^[2].

Гісторыя

У другой палове XIX ст. калёнія Берасьцейскага павету Гарадзенскай губэрні Расейскай імпэрыі. Паводле 10-й рэвізіі (1857 год) тут было 206 рэвіскіх душ, дзяржаўная ўласнасьць. З 1860-х гадоў у Камянец-Літоўскай воласьці таго ж павету і губэрні. Паводле перапісу 1897 году, 10 двароў, 63 жыхары, у складзе Сараўскай сельскай грамады.

У выніку польска-савецкай вайны згодна з Рыскім мірам (1921 год) у складзе Польшчы, калёнія ў Камянец-Літоўскай гміне Берасьцейскага павету Палескага ваяводзтва. На 1923 год 7 гаспадарак, 47 жыхароў.

У выніку пакту Молатава — Рыбэнтропа (1939 год) у складзе Берасьцейскай вобласьці БССР. З 1940 году ў Мікалаеўскім сельсавеце Камянецкага раёну Берасьцейскай вобласьці. З 1954 году ў Дзьмітравіцкім сельсавеце таго ж раёну. На 1970 год 43 жыхары, ў саўгасе імя Дзімітрава.

Насельніцтва

• 1905 год — 74 чалавекі
• 1960 год — 61 чалавек
• 1999 год — 17 чалавек
• 2005 год — 11 чалавек, 6 двароў^[3]
• 2010 год — 10 чалавек

Інфраструктура

У складзе ААТ «Камянецкая пушча».

Транспарт

Сарава злучае зь Бялёвам мясцовая грунтавая дарога Бялёва — Сарава (Н408). За 500 м на ўсход ад вёскі праходзіць аўтадарога рэспубліканскага значэньня Берасьце — Камянец — Каменюкі (Р83).