Смольгава

Смо́льгава^[1] (таксама Смо́льгаў^[1]) — вёска ў Беларусі, у міжрэччы Случы і Арэсы. Цэнтар Юшкавіцкага сельсавету Любанскага раёну Менскай вобласьці. Знаходзіцца за 15 км на паўночны захад ад Любані.

Смольгава лац. Smolhava
Краіна:	Беларусь
Вобласьць:	Менская
Раён:	Любанскі
Сельсавет:	Юшкавіцкі
Насельніцтва:	414 чал. (2010)
Часавы пас:	UTC+3
Тэлефонны код:	+375 1794
Паштовы індэкс:	223839
СААТА:	6234843031
Нумарны знак:	5
Геаграфічныя каардынаты:	52°47′0″ пн. ш. 27°48′0″ у. д.
Смольгава на мапе Беларусі ± Смольгава Смольгава
Галерэя здымкаў у Вікісховішчы

Смольгаў — даўні фальварак гістарычнай Случчыны, месца нараджэньня паэта Людвіка Кандратовіча (Уладзіслава Сыракомлі), які зьвяртаўся да яго ў самым пачатку паэмы «Ян з роду Дубарог» — «О Радзіма Літва, о Айчына сьвятая» (падобна таму, як зьвяртаўся да роднай Наваградчыны Адам Міцкевіч у пралогу да паэмы «Пан Тадэвуш» — «О Літва, айчына мая!…»)^[2].

Гісторыя

Вялікае Княства Літоўскае

Упершыню ўпамінаецца ў 1582 годзе, у складзе Слуцкага княства.

Пад уладай Расейскай імпэрыі

У выніку другога падзелу Рэчы Паспалітай (1793 год) Смольгава апынулася ў складзе Расейскай імпэрыі, у Бабруйскім павеце Менскай губэрні^[3].

У 1832 годзе ў Смольгаве нарадзіўся беларуска-польскі паэт Уладзіслаў Сыракомля. У гэты час населены пункт фактычна складаўся з некалькіх частак: у сярэдзіне разьмяшчалася вёска Смольгава, у якой жылі сяляне; з абодвух яе бакоў, усходняга і заходняга, месьціліся паселішча чыншавай шляхты — засьценкі — Смольгаў Вялікі і Смальгавок адпаведна; на ўскраінах — усходняй і заходняй — месьціліся два фальваркі, якія зваліся таксама Смольгаў Вялікі і Смальгавок^[4].

Найноўшы час

25 сакавіка 1918 году згодна з Трэцяй Устаўной граматай Смольгава абвяшчалася часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі вёска ўвайшла ў склад Беларускай ССР.

19 чэрвеня 2009 году цэнтар Юшкавіцкага сельсавету перанесьлі зь вёскі Юшкавічаў у Смольгава^[5].

• Старая графіка Смольгава
• 
  Н. Орда, 1864—1876 гг.
• 
  Н. Орда, 1877 г.
• 
  1882 г.
• 
  1884 г.

Насельніцтва

• 1999 год — 506 чалавек
• 2010 год — 414 чалавек

Славутасьці

• Курганны могільнік (IX—XII стагодзьдзі), 0,3 км на поўнач ад усходняй ускраіны Смольгава, налева ад дарогі ў вёску Купнікі, урочышча Швэдзкія могілкі
• Курганны могільнік (IX—XII стагодзьдзі), 0,4 км на поўнач ад заходняй ускраіны Смольгава, у лесе, побач з жывёлагадоўчай фэрмай^[6]