Энэргетыкаў

Энэрге́тыкаў^[1] — пасёлак, цэнтар Негарэльскага сельсавету Койданаўскага раёну Менскай вобласьці Беларусі. Побач чыгуначны прыпынак Энэргетык на лініі Менск — Баранавічы. На правым беразе р. Ператуць. За 13 км ад Койданава, 51 км ад Менску, 3 км ад Негарэлага.

Энэргетыкаў
трансьліт. Enerhietykaŭ
Дата заснаваньня:	1968
Краіна:	Беларусь
Вобласьць:	Менская
Раён:	Койданаўскі
Сельсавет:	Негарэльскі
Вышыня:	183 м н. у. м.
Насельніцтва:	2453 чал. (2010)
Часавы пас:	UTC+3
Тэлефонны код:	+375 1716
Паштовы індэкс:	222738
СААТА:	6222828131
Нумарны знак:	5
Геаграфічныя каардынаты:	53°35′10″ пн. ш. 27°3′9″ у. д.
Энэргетыкаў на мапе Беларусі ± Энэргетыкаў Энэргетыкаў
Галерэя здымкаў у Вікісховішчы

Гісторыя

Вядомы з XVI стагодзьдзя як сяло Негарэлае ў Менскім павеце ВКЛ. З 1569 г. у Менскім ваяводзтве Рэчы Паспалітай. Перасадачная і паштовая станцыя на конным тракце Менск — Наваградак. У 1588 г. у Станькаўскай воласьці. Належаў Радзівілам, уваходзіў у Койданаўскае графства. Паводле інвэнтара маёнтку Койданава 1621 г., вёска, 41 двор. 3 1793 г. у Койданаўскай воласьці Менскага павету. У канцы XIX ст. працавалі два вадзяныя млыны, фабрыка сыроў. У 1871 г. за 2 км ад маёнтку на лініі Менск — Баранавічы адкрыта чыгуначная станцыя Негарэлае. У 1937 г. тут была створана Негарэльская МТС. Пасьля 1958 г. разьмяшчалася вытворча-рамонтная база трэсту «Захадэлектрасеткабуд», пазьней узьнік рабочы пасёлак. Дзейнічае праваслаўная царква.

Насельніцтва

• 2010 год — 2453 чалавекі
• 1 студзеня 2004 году — 933 двары, 2445 жыхароў
• 1999 год — 2203 чалавекі