Вайдзень

Вайдзень — мужчынскае імя і вытворнае ад яго прозьвішча Войдзін (Войдзень).

Waddin
Паходжаньне
Мова(-ы)	германскія
Утворанае ад	Waido + суфікс з элемэнтам -н- (-n-)
Іншыя формы
Варыянт(ы)	Войдзін, Войдзень
Вытворныя формы	Відын
Зьвязаныя артыкулы
якія пачынаюцца з «Вайдзень»

Паходжаньне

Асноўны артыкул: Імёны ліцьвінаў

Вадзін (Waddin) — імя германскага паходжаньня^[1]. Іменная аснова вайд- (вейд-) (імёны ліцьвінаў Вайдзіла, Войдаўт, Вейдман; германскія імёны Weidel, Weidelt, Weidman) паходзіць ад гоцкага waida 'поле, паша'^[2] або ад асновы -від- (-вайд-)^[3].

У Прусіі бытавала імя Waytin / Waidenne / Wydenne / Woydenne / Woytin (1349 і 1396 гады)^[4].

Варыянты імя ў гістарычных крыніцах: Waydenne vnd sin compan Rage (Паведамленьні аб літоўскіх дарогах)^[5]; в Жомоити… Воидены… сельца вышеписаныи (2 кастрычніка 1511 году)^[6]; Воиден (13 сакавіка 1516 году)^[7]; передъ Войденемъ, наместникомъ Новгородскимъ (каля 1516 году)^[8]; на Новгородского Войденю (6 красавіка 1517 году)^[9]; наместника Новгородского Войденю (каля 1517 году)^[10]; Станиславу Войденю… по жонах их Галене а Ганне Войденевнах (7 сьнежня 1554 году)^[11]; дворанинъ нашъ Миколай Станиславович Войдень (7 лістапада 1561 году)^[12]; Миколай Войден (3 ліпеня 1563 году)^[13]; Миколаи Воидень (1565 год)^[14]; Никодымъ Войденевичъ (1567 год)^[15]; земенин нашъ Никодымъ Миколаевич Войдень (12 красавіка 1584 году)^[16]; Woydzienięta (1744 год)^[17].

Носьбіты

• Вайдзень — намесьнік ваяводы наваградзкага, які ўпамінаецца ў 1516 годзе
• Мікалай Станіслававіч Войдзень — дзяржаўны дзяяч Вялікага Княства Літоўскага, судзьдзя гродзкі ашмянскі ў 1571—1581 гадох^[18]
• Рыгор Янавіч Войдзін — вількамірскі зямянін, які ўпамінаецца ў 1610 годзе^[19]
• Міхал Вайдзяновіч — шляхціч Менскага ваяводзтва, які ўпамінаецца ў 1787 годзе^[20]

Прыдомкам Вэйдэн карыстаўся шляхецкі род Вяжбоўскіх^[21].

На гістарычнай Ашмяншчыне існуе вёска Вайдзені, у гістарычнай Прусіі — Вайдэнэн.