Кім Чэльстрэм

Кім Чэльстрэм (па-швэдзку: Kim Källström; нар. 24 жніўня 1982 году, Сандвікен, Швэцыя) — швэдзкі футбаліст, паўабаронца і нацыянальнай зборнай Швэцыі. Кім зьяўляўся цэнтральным паўабаронцам, які мог згуляць на левым флянзе паўабароны, а таксама патэнцыяльна мог быць глыбокім плэймэйкерам. Чэльстрэм таксама вядомы сваімі добрымі ўдарамі левай нагой^[4].

Кім Чэльстрэм
Пэрсанальная інфармацыя
Нарадзіўся	24 жніўня 1982(1982-08-24)[1][2][3] (43 гады) Сандвікен[d], Еўлеборг, Швэцыя
Рост	185 см
Вага	82 кг
Пазыцыя	паўабаронца
Клюбы
Гады	Клюб	Гульні (галы)¹
1999—2001	Гэкен	69 (14)
2001—2004	Юргордэн	48 (26)
2004—2006	Рэн	83 (20)
2006—2012	Алімпік Ліён	199 (17)
2012—2015	Спартак Масква	58 (5)
2014	→ Арсэнал Лёндан	3 (0)
2015—2017	Грасгопэр Цюрых	49 (1)
2017	Юргордэн	28 (3)
Зборныя
1997—1998	Швэцыя (да 17)[d]	32 (0)
1997—1999	Швэцыя (да 16)[d]	32 (12)
1999	Швэцыя (да 18)[d]	2 (0)
2000—2003	Швэцыя (да 21)[d]	21 (5)
2001—2016	Швэцыя	131 (16)

Кар’ера

Раньнія гады

Пачаў займацца футболам у клюбе «Партыле», які месьціцца ў прадмесьці Гётэборгу.

Далейшыя выступы

Першым прафэсійным клюбам Чэльстрэма быў «Гэкен», але вядомасьць у Швэцыі ён атрымаў ужо гуляючы за «Юргордэн», зь якім стаў чэмпіёнам краіны ў 2002 і 2003 гадох, а таксама двойчы забіў галы за клюб у розыгрышу Кубку УЭФА ў брамы клюбаў «Шэмрак Ровэрз»^[5] й «Капэнгаген»^[6].

Узімку 2004 года за 1,7 млн эўра перайшоў у склад францускага клюбу «Рэн», у якім гуляў разам з партнэрам па зборнай краіны Андрэасам Ісаксанам. У траўні 2006 году падпісаў кантракт зь «Ліёнам». У гэтым клюбе ён двойчы станавіўся чэмпіёнам Францыі, а для клюбу гэтыя тытулы сталі шостым і сёмым запар.

28 ліпеня 2012 года паміж «Спартаком» і францускім «Ліёнам» была дасягнутая дамоўленасьць пра трансфэр футбаліста ў маскоўскі клюб. 30 ліпеня Кім пасьпяхова прайшоў мэдабсьледаваньне. 1 жніўня 2012 году футбаліст падпісаў кантракт з клюбам^[7].

Міжнародная кар’ера

Кім Чэльстрэм згуляў першы матч за зборную 1 лютага 2001 году супраць зборнай Фінляндыі. Удзельнічаў у фінальных турнірах Эўра-2004 і Эўра-2008, чэмпіянаце сьвету 2006 году. Забіў некалькі важных галоў у адборачным турніры да чэмпіянату Эўропы 2008 году, у тым ліку прыгожы гол у браму зборнай Ісьляндыі ўдарам з 45 мэтраў.

Дасягненьні

«Юргордэн»:

• Чэмпіён Швэцыі: 2002, 2003
• Уладальнік Кубка Швэцыі: 2002

«Алімпік» Ліён:

• Чэмпіён Францыі: 2007, 2008
• Уладальнік Кубка Францыі: 2012
• Уладальнік Супэркубка Францыі: 2006, 2007

«Арсэнал»:

• Уладальнік Кубка Ангельшчыны: 2014