Млыны

Млыны́^[2] — вёска ў Камянецкім раёне Берасьцейскай вобласьці, на левым беразе ракі Лясной, у месцы сутокі апошняй з ракой Тачыяй, за 2,5 км на поўнач ад аўтадарогі Слонім — Высокае (Р85), за 21 км на паўднёвы захад ад Камянцу, за 34 км на поўнач ад Берасьця, за 20 км на паўночны ўсход ад чыгуначнай станцыі Лышчыцы на лініі Берасьце — Беласток. Уваходзіць у Відамлянскі сельсавет.

Млыны
трансьліт. Mlyny
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	23 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225068[1]
Нумарны знак:	1
Геаграфічныя каардынаты:	52°19′35″ пн. ш. 23°39′19″ у. д.
Млыны на мапе Беларусі ± Млыны Млыны

Гісторыя

• сярэдзіна XIX стагодзьдзя: вёска ў Ратайчыцкай воласьці Берасьцейскага павету Гарадзенскай губэрні Расейскай імпэрыі, адносілася на маёнтку Трасьцяніца, уласнасьць баронаў Марэнгэймаў.
• 1897: паводле перапісу ў вёсцы 11 двароў, 94 жыхары, хлебазапасная крама, вадзяны млын. Побач знаходзілася аднайменнае ўрочышча і сядзіба барона Корфа.
• 1921: у складзе Турнаўскай гміны Берасьцейскага павету Палескага ваяводзтва міжваеннай Польшчы.
• 1939: у складзе Берасьцейскай вобласьці БССР.
• 1940: вёска ў Ратайчыцкім сельсавеце Камянецкага раёну Берасьцейскай вобласьці, 25 двароў, 125 жыхароў.
• 1949: арганізаваны калгас імя Варашылава, у якім аб’ядналіся 19 гаспадарак.
• 1961: у калгасе «Радзіма» (цэнтар — вёска Ратайчыцы).
• 2006: у Відамлянскім сельсавеце.

Насельніцтва

• XIX стагодзьдзе: 1857 год — 62 рэвіскія душы
• XX стагодзьдзе: 1905 год — 120 жыхароў; 1923 год — 8 двароў, 41 жыхар; 1950 год — 24 гаспадаркі, 67 жыхароў; 1960 год — 102 жыхары; 1970 год — 82 жыхары; 1999 год — 39 жыхароў
• XXI стагодзьдзе: 2005 год — 34 жыхары, 18 двароў^[3]; 2010 год — 23 жыхары

Інфраструктура

У складзе ААТ «Відамлянскае».