Саймонт

Саймонт (Саймунт, Сеймант, Шэймант, Жаймонт) — мужчынскае імя і вытворнае ад яго прозьвішча.

Seimund
Паходжаньне
Мова(-ы)	германскія
Утворанае ад	*Seio + Mund
Іншыя формы
Варыянт(ы)	Саймунт, Сеймант, Шэймант, Жаймонт
Вытворныя формы	Жыгімонт
Зьвязаныя артыкулы
якія пачынаюцца з «Саймонт»

Паходжаньне

Асноўны артыкул: Імёны ліцьвінаў

Сеймунд або Саймунд (Seymund, Seimund) — імя германскага паходжаньня^[1][2]. Іменная аснова сай- (сей-, зей-) (імёны ліцьвінаў Шэйбар, Сайбут, Зэйвальд; германскія імёны Seiber, Seyboth, Seywaldus) паходзіць ад гоцкага saio 'вястун'^[3] або ад асновы сіг- (зыг-, зег-)^[4], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[5] або гоцкага munds 'моц розуму, імкненьне', mundrs 'гарлівы, палкі'^[3]. Такім парадкам, імя Саймонт азначае «вястун гарлівасьці»^[2].

Адпаведнасьць імя Саймонт германскаму імю Seimund (Simund) прызнае летувіскі лінгвіст Ёзас Юркенас(lt)^[6].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн^[7] і амэрыканскі лінгвіст Альфрэд Зэн^[8].

У Прусіі бытавала імя Сымунт: Symunt (1292 год)^[9].

Варыянты імя ў гістарычных крыніцах: Saymunt Girdutten son (29 верасьня 1379 году^[10])^[11]; Сеньку Соимонътовичу а Ивашку Борвоиновичу земля пустая Моищишина^[12], чоловековъ… Соимонтъ^[13] (1440—1492 гады); чоловековъ у Лынкгменскои волости… а Шеимонта (27 чэрвеня 1498 году)^[14]; Стась Саимонътовичъ (1528 год)^[15]; Дмитъръ Соимантъ (1565 год)^[16]; Дмитръ Соймантъ (1567 год)^[17]; u boiar Trabskich Hryszki y Michała Bochdanowiczow Seymontow (22 чэрвеня 1581 году)^[18]; пустовщызна… Романишка Соимонтишка (20 красавіка 1598 году)^[19].

Носьбіты

• Саймонт Гердутавіч — літоўскі баярын, які засьведчыў умову 1379 году
• Сенька Саймонтавіч — літоўскі баярын, які атрымаў наданьне ад вялікага князя Казімера
• Стась Саймонтавіч — упіцкі баярын, які ўпамінаецца ў попісе войска Вялікага Княства Літоўскага 1528 году

У XVI ст. існавала ўрочышча Жаймонтышкі (Жоймонтышки) у Жамойцкім старостве^[20].