Таліца

Та́ліца^[1] — вёска ў Слуцкім раёне Менскай вобласьці Беларусі. Уваходзіць у склад Вясейскага сельсавету.

Таліца
трансьліт. Talica
Краіна:	Беларусь
Вобласьць:	Менская
Раён:	Слуцкі
Сельсавет:	Вясейскі
Насельніцтва:	1 чал. (2010)
Часавы пас:	UTC+3
Тэлефонны код:	+375 1795
СААТА:	6246813086
Нумарны знак:	5
Геаграфічныя каардынаты:	53°0′45″ пн. ш. 27°48′33″ у. д.
Таліца на мапе Беларусі ± Таліца Таліца

Геаграфія

19 кілямэтраў да места Слуцку. 116 кілямэтраў да места Менску.

У вёсцы адна Г-падобная вуліца — Таліцкая.

Рэльеф роўны. Таліца знаходзіцца ў кутку леса. У канцы вёскі, за апошняй хатай, знаходзяцца Таліцкія могілкі.

Мінуўшчына

У 1852 годзе Таліца пазначалася як хутар у складзе казённага маёнтку Выбранецкае Слуцкага павету Менскай губэрні Расейскай імпэрыі.

У 1854 годзе Таліца пазначалася як засьценак у мэтрычных кнігах Бабруйскага павету.

У 1893 годзе і амаль да 1919 году Таліца пазначалася як засьценак і знаходзілася ў складзе Слуцкай воласьці Слуцкага павету Менскай губэрні Расейскай імпэрыі.

З 1919 году Таліца знаходзілася ў складзе Слуцкага раёну Менскай вобласьці БССР.

З 20.09.1944 па 08.01.1954 вёска Таліца знаходзілася ў складзе Слуцкага раёну Бабруйскай вобласьці БССР.

У вёсцы Таліца была кузьня з кавалём.

У вёсцы Таліца быў клюб. Клюб выкарыстоўваўся як крама. Клюб стаяў зьлева ад дарогі пры самым заезьдзе ў вёску Таліца, калі ехаць па дарозе зь вёскі Боркі.

19.11.1928 жыхары вёскі Таліца напісалі заяву на адкрыцьцё дагаворнай школы ў адной з хат у вёсцы. Заява была ўхваленая. Школа ўтрымлівалася на ўласныя сродкі жыхароў вёскі. У школе працаваў настаўнік, якому жыхары прапанавалі хату і грошы ў памеры 55 рублёй. У школе навучаліся 13—15 вучняў.

Насельніцтва

• 1999 год — 9 чалавек
• 2010 год — 1 чалавек

Вядомыя асобы

• Алег Румо (нар. 1941) — беларускі лекар і палітык.