Юзафова (Смалявіцкі раён)

Юзафо́ва^[1] — вёска ў Смалявіцкім раёне Менскай вобласьці. Уваходзіць у склад Усяскага сельсавету. Знаходзіцца за 40 км на паўночны ўсход ад цэнтру Менску, за 11 км на паўднёвы ўсход ад Лагойску, за 15 км на поўнач ад Смалявічаў і за 1,6 км на поўдзень ад дарогі Н9548 Жодзін — Дзяніскі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Юзафова.

Юзафова
трансьліт. Juzafova
Першыя згадкі:	1795
Краіна:	Беларусь
Вобласьць:	Менская
Раён:	Смалявіцкі
Сельсавет:	Усяскі
Насельніцтва:	36 чал. (2010)
Часавы пас:	UTC+3
Тэлефонны код:	+375 1776
Паштовы індэкс:	222216
Нумарны знак:	5
Геаграфічныя каардынаты:	54°8′33″ пн. ш. 27°58′58″ у. д.
Юзафова на мапе Беларусі ± Юзафова Юзафова

Гісторыя

Ля вёскі знаходзіцца помнік археалёгіі — гарадзішча.^[2]

Першыя зьвесткі аб вёсцы датаваныя канцом XVIII стагодзьдзя. Паводле рэвізіі (падушнага перапісу падаткавага насельніцтва) у 1795—1797 гадах у Менскай губэрні, матэрыялы якой увайшлі ў т. зв. эканамічныя заўвагі да генэральнага межаваньня 1800 году, фальварак Юзафова зьяўляўся часткай маёнтку Косіна Юзэфа Тышкевіча.^[3] У гонар гаспадара маёнтку, верагодна, вёска і атрымала сваю назву.

Пасьля рэвалю­цыі на месцы фальварку ўзьнік пасёлак, была створана працоўная школа першае ступені. У 1926 годзе ў школе вучыліся 72 дзяцей. У пачатку 1930-х гадоў у вёсцы быў калгас «Чырвоны пуцілавец», працавалі кузьня і стальмашня.^[2]

30 кастрычніка 2009 году перададзеная зь ліквідаванага Юр’еўскага ва Ўсяскі сельсавет^[4].

Насельніцтва

Па­водле перапісу 1897 году вёска — тады яшчэ фальварак у Юр’еўскай воласьці Барысаўскага павету — налічвала 3 двары і 33 жыхары. На пачатку XX стагодзьдзя фаль­варак меў толькі адзін двор і 8 жыхароў. У 1917 годзе — 1 двор і 9 жыхароў. Паводле перапісу 1926 году ў вёсцы быў 31 двор і 184 жы­хары. Паводле перапісу 1996 году вёска налічвала 26 двароў і 48 жыхароў.^[2]

• 1999 год — 59 чалавек
• 2010 год — 36 чалавек

Юзафова і Янка Купала

У Юзафове з 1883 па 1886 год жыла сям’я Луцэвічаў^[5], дзе бацька Янкі Купалы Дамінік Луцэвіч служыў у маёнтку памешчыка Багдановіча. У Юзафове сям’я Луцэвічаў пераехала зь Вязынкі, дзе нарадзіўся будучы паэт. Пра Юзафова Янка Купала пісаў у сваім лісьце Льву Клейнбарту 23 лістапада 1927 году.^[6]

Выхадцы

У вёсцы ў 1934 годзе нарадзіўся Станіслаў Акуліч, беларускі будаўнік, Герой Сацыялістычнай Працы (1981), сябра ЦК КПБ, дэпутат Вярхоўнага Савету БССР (1971—1975).^[7]