Вілейскае партызанскае злучэнне

Вілейскае партызанскае злучэнне — партызанскае злучэнне ў гады Вялікай Айчыннай вайны, было створана ў ліпені — жніўні 1943 года Вілейскім падпольным абкомам КП(б)Б.

Вілейскае партызанскае злучэнне
Гады існавання	ліпень-жнівень 1943 года — ліпень 1944 года
Краіна	СССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	12000 партызан (ліпень 1944 года)
Дыслакацыя	Вілейская вобласць
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Іван Клімаў

Камандаванне

Узначальвалася ваенна-аператыўным аддзелам Вілейскага падпольнага абкома КП(б)Б. Кіруючы склад злучэння: 1-ы сакратар падпольнага абкома Іван Фролавіч Клімаў, начальнік ваенна-аператыўнага аддзела Фёдар Рыгоравіч Клімаў.

Структура

Тэрыторыя вобласці была падзелена на тры зоны: Паўднёва-Усходнюю, Цэнтральную і Паўночную (упаўнаважаныя па зонах Павел Антонавіч Жуковіч, Аляксандр Андрэевіч Манахаў, В. А Цітавец), у кожнай былі створаны аператыўныя групы падпольных абкомаў КП(б)Б і ЛКСМБ, замацаваны партызанскія брыгады і атрады.

На час злучэння з Чырвонай арміяй (ліпень 1944 года) яднала васемнаццаць партызанскіх брыгад:

• 1-я партызанская брыгада імя А. В. Суворава;
• 2-я партызанская брыгада імя А. В. Суворава;
• 4-я Беларуская партызанская брыгада;
• Партызанская брыгада «За Радзіму»;
• Партызанская брыгада «За Савецкую Беларусь»;
• Партызанская брыгада імя С. М. Будзённага;
• Партызанская брыгада імя К. Я. Варашылава;
• Партызанская брыгада імя М. Ф. Гастэлы;
• Партызанская брыгада імя Л. М. Даватара;
• Партызанская брыгада імя Г. К. Жукава;
• Партызанская брыгада імя М. І. Калініна;
• Партызанская брыгада імя М. І. Кутузава;
• Партызанская брыгада імя К. К. Ракасоўскага;
• Партызанская брыгада імя М. В. Фрунзэ;
• Партызанская брыгада імя ЦК КП(б)Б;
• Партызанская брыгада імя У. І. Леніна;
• Партызанская брыгада «Кастрычнік»;
• Партызанская брыгада «Спартак»,

5 асобна дзейных атрадаў:

• Агітацыйны партызанскі атрад імя А. М. Горкага;
• Партызанскі атрад «Баец»;
• Партызанскі атрад імя Р. І. Катоўскага;
• Партызанскі атрад імя П. К. Панамарэнкі;
• Партызанскі атрад С. Р. Суслава;

усяго каля 12 000 партызан.

Аляксандру Сямёнавічу Азончыку, Андрэю Іванавічу Валынцу, Ганне Іванаўне Маслоўскай, Пятру Міронавічу Машэраву прысвоена званне Героя Савецкага Саюза.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0.