Цнянскі сельсавет

Цня́нскі сельсавет — былая адміністрацыйна-тэрытарыяльная адзінка ў складзе Мінскага раёна Мінскай вобласці. Цэнтр — вёска Цна.

Цнянскі сельсавет
Краіна	Беларусь
Уваходзіць у	Мінскі раён
Адміністрацыйны цэнтр	Цна
Дата ўтварэння	1 студзеня 1925, 21 кастрычніка 1940
Дата скасавання	17 лютага 1930, 28 красавіка 2004
Насельніцтва	3 912 чал. (1999)
Часавы пояс	UTC+03:00
Код аўтам. нумароў	5

Утвораны 1 студзеня 1925 года як Сляпянскі (Азярышча-Сляпянскі) сельсавет у складзе гарадской рысы горада Мінска. Цэнтр — вёска Азярышча. 17 лютага 1930 года аб’яднаны з 1-м Мінскім прыгарадным сельсаветам у Мінскі прыгарадны сельсавет.

21 кастрычніка 1940 года Сляпянскі сельсавет утвораны зноў у Мінскім раёне Мінскай вобласці БССР у складзе 25 населеных пунктаў: Антонава, Будзілава, Вялікая Слепня, Грэбелька, Дворышча, Зацішша, саўгас «Зялёны Луг», саўгас імя Крупскай, Малая Слепня, саўгас «Малая Сляпянка», Маляўкі, Маляўшчына, Навінкі, Падбалоцце, Сакалянка, Сляпянка, станцыя Сляпянка, Сморгаўскі тракт, Сталова, Урочышча, Чырвонае Урочышча, Шчотаўка, Шэйпічы, вылучаных са складу Прыгараднага сельсавета, і вёсак Цнянка і Цна-Ёдкава, вылучаных са складу Папярнянскага сельсавета. Цэнтр — вёска Вялікая Слепня^[1]. 25 ліпеня 1959 года цэнтр сельсавета перанесены ў вёску Зялёны Луг, сельсавет перайменаваны ў Зеленалужскі сельсавет^[2]. У 1968 годзе цэнтр сельсавета перанесены ў вёску Цна-Ёдкава. 9 жніўня 1979 года ў склад новаўтворанага Бараўлянскага сельсавета перададзены 11 населеных пунктаў (Баравая, Бараўляны, Валяр’янава, Вярбіцкія, Дроздава, Забалоцце, Копішча, Малінаўка, Уручча, Чарцяж і пасёлак Лясны)^[3]. 14 снежня 1981 года сельсавет перайменаваны ў Цнянскі. 8 красавіка 2004 года вёска Цна і пасёлак Навінкі ўключаны ў склад Мінска^[4]. 28 красавіка 2004 года сельсавет скасаваны^[5].

Зноскі

1. Указ Президиума Верховного Совета БССР от 21 октября 1940 г. Об образовании в составе Минского района, Минской области, Слепнянского сельсовета и о переименовании Пригородного сельсовета, Минского района // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Мінскага абласнога Савета дэпутатаў працоўных ад 25 ліпеня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 14.
3. Рашэнне выканкома Мінскага абласнога Савета народных дэпутатаў ад 9 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).
4. Указ Президента Республики Беларусь от 8 апреля 2004 г. № 174 О передаче сельских населенных пунктов Минского района в административное подчинение минских городских Совета депутатов и исполнительного комитета и об установлении границ некоторых районов г.Минска
5. Решение Минского областного Совета депутатов от 28 апреля 2004 г. № 68 Об упразднении Цнянского сельсовета Минского района