Прасвет (Светлагорскі раён)

У паняцця ёсць і іншыя значэнні, гл. Прасвет.

Прасве́т^[1] (трансліт.: Prasviet, руск.: Просвет, да 1926 года — Яўту́шкавічы) — вёска ў Светлагорскім раёне Гомельскай вобласці, каля ракі Іпа. Уваходзіць у склад Давыдаўскага сельсавета. Насельніцтва 125 чал. (2004). Знаходзяцца за за 21 км на паўднёвы захад ад Светлагорску, за 5 км ад чыгуначнай платформы Узнаж (лінія Жлобін — Калінкавічы); аўтамабільная дарога злучае вёску з Светлагорскам.

Вёска Прасвет Краіна Беларусь Вобласць Гомельская Раён Светлагорскі Сельсавет Давыдаўскі Каардынаты 52°31′33″ пн. ш. 29°30′59″ у. д.HGЯO Першая згадка XV стагоддзе Ранейшыя назвы Яўтушкавічы Насельніцтва ▼109 чал. (2019) Часавы пояс UTC+3 Тэлефонны код +375 2342 Паштовыя індэксы 246284 Аўтамабільны код 3 СААТА 3250808051 Прасвет Прасвет

Прасвет на Вікісховішчы

Гісторыя

Упершыню Яўтушкавічы згадваюцца ў XVI ст. як вёска ў складзе Рэчыцкага павета Менскага ваяводства. У 1737 у маёнтку Ліпаў у валоданні Горватаў. У 1753 тут збудавалі драўляную царкву Раства Багародзіцы.

У выніку другога падзелу Рэчы Паспалітай (1793) Яўтушкавічы апынуліся ў складзе Расійскай імперыі, у Мазырскім павеце Мінскай губерні. Станам на 1795 у мястэчку было 12 двароў, паштовая станцыя. У розны час Яўтушкавічы знаходзіліся ў валоданні Горватаў, Баліцкіх, Палянскіх. На 1834 — 17 двароў. Дзейнічала царкоўна-прыходская школа.

1 студзеня 1919 згодна з пастановай I з'езду КП(б) Беларусі Яўтушкавічы ўвайшлі ў склад Беларускай ССР, дзе 24 жніўня 1924 года сталі цэнтрам Яўтушкавіцкага сельсавета (цяпер у Давыдаўскім сельсавеце). 1 студзеня 1926 бальшавікі перайменавалі паселішча ў Прасвет.

Насельніцтва

• XX стагоддзе: 1959 — 263 чал.
• XXI стагоддзе: 2004 — 125 чал.^[2]

Інфраструктура

У Прасвеце працуе дом культуры.

Забудова

Планіроўка складаецца з простай вуліцы з 2 завулкамі, арыентаванай з паўднёвага ўсходу на паўночны захад, забудова двухбаковая, драўляная, сядзібнага тыпу.

Турыстычная інфармацыя

Страчаная спадчына

• Царква Раства Багародзіцы (1753; грэка-каталіцкая)