Ізмунт

Ізмунт (Ісмант, Ішмант) — мужчынскае імя і вытворнае ад яго прозьвішча.

Ismund
Паходжаньне
Мова(-ы)	германскія
Утворанае ад	Iso + Bodo
Іншыя формы
Варыянт(ы)	Ісмант, Ішмант
Вытворныя формы	Эйсімонт
Зьвязаныя артыкулы
якія пачынаюцца з «Ізмунт»

Паходжаньне

Асноўны артыкул: Імёны ліцьвінаў

Ізімунд або Ізмунд (Isimund, Isemund, Ismund^[1]) — імя германскага паходжаньня^[2]. Іменная аснова ісан- (эйс-, іс-) (імёны ліцьвінаў Ізбут, Ісавін, Эйсімонт; германскія імёны Isbodus, Isovin, Eisenmund) паходзіць ад гоцкага eisarn, германскага *isarna-, стараверхненямецкага îsarn, îsan 'жалеза'^[3], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[4] або гоцкага munds 'моц розуму, імкненьне', mundrs 'гарлівы, палкі'^[5].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн^[6] і амэрыканскі лінгвіст Альфрэд Зэн^[7].

Варыянты імя ў гістарычных крыніцах: Helena Ismont (1772 год)^[8]; Marianna Iszmont (1802 год)^[9]; Regina Ismont (1814 год)^[10]; Michał Ismont (1817 год)^[11].

Носьбіты

Ізмунты-Жыбарты — літоўскі шляхецкі род^[12].

Глядзіце таксама

• Эйса
• Мунд