Альман

Альман (Эльман), Алеман — мужчынскае імя і вытворнае ад яго прозьвішча.

Alman
Паходжаньне
Мова(-ы)	германскія
Утворанае ад	Alo + Mann
Іншыя формы
Варыянт(ы)	Алеман, Эльман
Зьвязаныя артыкулы
якія пачынаюцца з «Альман»

Паходжаньне

Асноўны артыкул: Імёны ліцьвінаў

Аламан або Алман, пазьней Алеман або Эльман (Alaman, Alman, Alemann, Ellmann) — імя германскага паходжаньня^[1]. Іменная аснова ал- (імёны ліцьвінаў Альбут, Алігут, Аламунт; германскія імёны Albot, Algut, Alamunt) паходзіць ад гоцкага alls 'увесь, кожны'^[2], а аснова -ман- (імёны ліцьвінаў Мангерд, Дзерман, Есьман; германскія імёны Mangerðr, Derman, Esmann) — ад гоцкага manna^[3], германскага man 'чалавек'^[4].

Адпаведнасьць імя Альман (лет. Almanas, Almonas) германскаму імю Alman (Alaman) прызнае летувіскі лінгвіст Ёзас Юркенас(lt)^[5].

У Прусіі бытавала імя Allemanne (1337 год)^[6]. У 1621 годзе ў Каралявецкім унівэрсытэце навучаўся Michael Olman, Welaviensis Borussus, у 1627 годзе — Michael Olmannus, Welowiensis Borussus^[7].

У Польшчы ў 1504 годзе і ў XVII ст. адзначалася прозьвішча Almanus^[8].

Варыянты імя ў гістарычных крыніцах: Aleman (Старэйшая рыфмаваная хроніка)^[9]; actum et datum in Solak (presentibus) <…> et Georgio Almana (28 верасьня 1516 году)^[10]; Anna Alamanowna (1601 год)^[11]; nieboszczykowi Dominikowi Alamaniemu, prawem lennem, we włóści Mścibohowskiej… synów nieboszczykowskich, urodzonych Adama, Toma i Zygmunta Alamanich (4 кастрычніка 1603 году)^[12]; Justyn Almanowicz (1831 год)^[13]; Альмановича (15 лютага 1905 году)^[14].

Носьбіты

• Алеман — водца на Жамойці, які ўпамінаецца да 1257 году

Эльманы (Elman) гербу ўласнага — літоўскі шляхецкі род з Наваградзкага павету^[15].

Аламэн або Алеман (Alamenus, Alemani) гербу ўласнага — шляхецкі род Рэчы Паспалітай зь Любліну і Плоцку^[16].

На гістарычнай Піншчыне існуе вёска Альманы.

Глядзіце таксама

• Ала
• Ман