Алішавічы

Алі́шавічы^[3] (таксама Алішэ́вічы^[4], Альшэ́вічы^[5]) — вёска ў Беларусі, у міжрэччы Мухаўцу і Ясельды. Уваходзяць у склад Лінаўскага сельсавету Пружанскага раёну Берасьцейскай вобласьці. Насельніцтва на 2012 год — 29 жыхароў, 17 двароў. Знаходзяцца за 10 км на ўсход ад Пружанаў, за 12 км ад чыгуначнай станцыі Аранчыцы (лінія Баранавічы — Берасьце).

Алішавічы лац. Ališavičy
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Лінаўскі
Насельніцтва
колькасьць:	29 чал. (2012)[1]
колькасьць двароў:	17
Часавы пас:	UTC+3
Тэлефонны код:	+375 1632
Паштовы індэкс:	225143[2]
СААТА:	1256835028
Нумарны знак:	1
Геаграфічныя каардынаты:	52°33′32″ пн. ш. 24°32′45″ у. д.
Алішавічы на мапе Беларусі ± Алішавічы Алішавічы

Назвы

Асноўны артыкул: Аліш

Паводле пружанскай гісторыка і краязнаўцы Веры Церахавай, назва вёскі паходзіць ад слова «алешнік», бо паселішча было пабудаванае сярод альховага лесу, кустоўя або на месцы альшэўнікаў^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Alisz (Alesz, Alsz)^[7].

Мінуўшчына

За расейскім часам — вёска ў Мікіціцкай воласьці Пружанскага павету Гарадзенскай губэрні, 201 дзесяціна^[8]. Паводле перапісу 1897 року 311 жыхароў, хлебазапасная крама; на пачатку XX стагодзьдзя 250 жыхароў.

За польскім часам — у гміне Мікіцічы^[9], а з 1926 року — у гміне Пружана Пружанскага павету Палескага ваяводзтва^[10].

Зь верасьня 1939 року ў складзе БССР, з 15 студзеня 1940 — у Пружанскім раёне Берасьцейскай вобласьці.

Насельніцтва

• XIX стагодзьдзе: 1897 год — 311 жыхароў
• XX стагодзьдзе: пачатак стагодзьдзя — 250 жыхароў; 1970 год — 143 жыхары (перапіс); 1999 год — 37 жыхароў
• XXI стагодзьдзе: 2003 год — 37 жыхароў, 22 двары; 2005 год — 32 жыхары, 20 двароў^[4]; 2010 год — 21 жыхар; 2012 год — 29 жыхароў, 17 двароў^[1]

Транспарт

Аўтамабільная дарога Н526 Пружаны — Доўгае — Забалацьце^[11].