Асьцейка

Асьцейка (Асьцека, Астыка, Осьцік, Асьцік), Ясьцейка — мужчынскае імя і вытворнае ад яго прозьвішча.

Oustecha
Паходжаньне
Мова(-ы)	германскія
Утворанае ад	Ast + суфікс з элемэнтам -к- (-k-)
Іншыя формы
Варыянт(ы)	Асьцека, Астыка, Осьцік, Асьцік, Ясьцейка
Вытворныя формы	Гасьцейка
Зьвязаныя артыкулы
якія пачынаюцца з «Асьцейка»

Паходжаньне

Асноўны артыкул: Імёны ліцьвінаў

Асьцека або Остыка (Oustecha, Ostike^[1]) — імя германскага паходжаньня^[2]. Іменная аснова -аст- (-ост-) (імёны ліцьвінаў Асьціла, Яштальд, Астрат; германскія імёны Aostilo, Astald, Ostradt) паходзіць ад гоцкага *aust(ra)-, стараверхненямецкага ōstan 'усход'^[3][4].

У Прусіі бытавала імя Asteyko (1339 год)^[5].

Варыянты імя ў гістарычных крыніцах: Остеику земля пустая^[6], шесть чоловековъ… Остеико^[7] (1440—1492 гады); homines… Jastheyko (6 сакавіка 1498 году)^[8]; шуринъ мой Петрашь Остейковичь (18 траўня 1514 году)^[9]; Андреи Остеиковичъ^[10], Ровбъ Остеиковичъ… Словута Остеиковичъ^[11] (1528 год); люди нашы у повете Троцкомъ… Стирманта Остейковича, Нера Остейковича (сьнежань 1534 году)^[12]; земяне господаръские повету Упитъского, Янъ, Павелъ, Миколай, Крыштофъ Юрьевичове Люткевичове Остековичи… на Адама Кгабрыяловича Станевича Остековича, а на Григорья Войткевича Станевича Остековича (8 кастрычніка 1586 году)^[13]; Jerzy Ostyka (1667 год)^[14]; Krzysztof Ascik (1765 год)^[15]; Petronella Astykiewicz (1814 год)^[16]; Jakub Aścik (1841 год)^[17].

Носьбіты

• Крысьцік Госьцік (Осьцік) (каля 1363—1442) — дзяржаўны дзяяч Вялікага Княства Літоўскага, кашталян віленскі; меў сыноў Радзівіла, Станіслава (Станьку), Мікалая (Міцьку) і Барталамея (Бартку), пачынальнік роду Осьцікавічаў
• Асьцейка — літоўскі баярын, які атрымаў наданьне ад вялікага князя Казімера
• Андрэй Асьцейкавіч — тавянскі баярын, які ўпамінаецца ў попісе войска Вялікага Княства Літоўскага 1528 году
• Роўб і Славута Асьцейкавічы — ваўкавыскія баяры, якія ўпамінаюцца ў попісе войска ВКЛ 1528 году
• Ян, Павал, Мікалай і Крыштоф Юр’евічы Люткевічы Асьцекавічы, Адам Габрыялавіч Станевіч Асьцекавіч і Рыгор і Валянтын Войткевічы Станевічы Асьцекавічы — упіцкія зямяне, якія ўпамінаюцца ў 1586 годзе^[18]

На гістарычнай Ашмяншчыне існаваў засьценак Асьцікішкі^[19].