Будзейка

Будзейка (Будзіка, Будыка), Байдзейка — мужчынскае імя і вытворнае ад яго прозьвішча.

Buddecke
Паходжаньне
Мова(-ы)	германскія
Утворанае ад	Budo + суфікс з элемэнтам -к- (-k-)
Іншыя формы
Варыянт(ы)	Будзіка, Будыка, Байдзейка
Вытворныя формы	Буцейка
Зьвязаныя артыкулы
якія пачынаюцца з «Будзейка»

Паходжаньне

Асноўны артыкул: Імёны ліцьвінаў

Бодзіка, Бодзека або Будэка, пазьней таксама Будка (Bodico^[1][2], Bodeca^[3], Budeca^[4], Buddeke^[5], Buddecke^[6], Budke^[7]) — імя германскага паходжаньня^[8]. Іменная аснова -буд- (-бод-) (імёны ліцьвінаў Будзівід, Будар, Будрых; германскія імёны Bodwidus, Buder, Boderich) паходзіць ад бургундзкага buda 'пасол, пасланьнік' або германскага bodo 'гаспадар'^[9].

Імя Будэка гістарычна бытавала ў Польшчы: Budeke (1381 год)^[10].

У Прусіі бытавала імя Будыка: Budike (1373 год)^[11].

Варыянты імя ў гістарычных крыніцах: homines duos: primum Petrum Budzikowicz, secundum Andream Budzikowicz (1539 год)^[12]; Станиславъ Будекъ Томъковичъ… Абрамъ Будекъ Томъковичъ (1567 год)^[13]; Гаврило Будыковичъ (26 кастрычніка 1609 году)^[14]; Budzik (1671—1681 гады)^[15]; Katarzyna Budejko (1801 год)^[16].

Носьбіты

• Ігнаці Будзейка (Budziejko) — уладальнік гаспадаркі ў Міцюнах каля Трокаў на 1931 год^[17]

Будзейкі — уніяты Радзівоніскай парафіі^[18].

Будзейка (Budzieyko) — жыхар Гарадзенскага павету, які ўпамінаецца ў 1789 годзе^[19].

Бадзейка (Bodziejko), Будзейка (Budziejko) і Будзік (Budzik) — прозьвішчы, зафіксаваныя ў XIX стагодзьдзі ў ваколіцах Сувалкаў^[20].

Назву Будзькі маюць вёскі на гістарычных Аршаншчыне і Меншчыне, назву Будзькаўшчына — на гістарычных Ашмяншчыне і Полаччыне.