Буцейка

Буцейка (Буціка, Бутыка), Боцейка — мужчынскае імя і вытворнае ад яго прозьвішча.

Butecke
Паходжаньне
Мова(-ы)	германскія
Утворанае ад	Buto + суфікс з элемэнтам -к- (-k-)
Іншыя формы
Варыянт(ы)	Буціка, Бутыка, Боцейка
Вытворныя формы	Пацейка
Зьвязаныя артыкулы
якія пачынаюцца з «Буцейка»

Паходжаньне

Асноўны артыкул: Імёны ліцьвінаў

Буцека або Ботык, пазьней Бутэка або Бутке (Butecho^[1], Botic^[2], Butecke^[3], Buttke^[4]) — імя германскага паходжаньня^[5]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Botko^[7].

У Прусіі бытавала імя Бутэка: Buteko (1451 год)^[8].

Варыянты імя ў гістарычных крыніцах: homines… Bvtheyko (8—13 сакавіка 1462 году^[9] і 6 сакавіка 1498 году^[10]); homines… Butheyko (15 красавіка 1475 году)^[11]; в Неменчинъскои волости Виленского повета… земль пустовских конокормъских… Бутеикишокъ… Бутеикишки (1 жніўня 1496 году)^[12]; людей… Бутейка Перевойневича и брата его Милоша (29 сьнежня 1518 году)^[13]; людеи… Бутеика а Беинара Яновичов (8 сьнежня 1522 году)^[14]; люди тяглыи… Бутейка Онисимовича (1528 год)^[15]; Лаврин Бутеикович (1538 год)^[16]; люди его двора Свирского: Павелъ а Юшко Бутейковичи (27 жніўня 1547 году)^[17]; czeladz dworna… Alzbieta Butikowna… Anna Butikowna (14 студзеня 1632 году)^[18]; Демянъ Бутека, Васко Бутека (1649 год)^[19]; we wsi Stybirach… Adam Boteyko… Janowa Boteykowa (23 красавіка 1698 году)^[20]; Benedictus Butykowicz (19 кастрычніка 1777 году)^[21].

Носьбіты

• Андрэй Бутыка — жыхар вёскі Задвор’я (Наваградзкае ваяводзтва), які ўпамінаецца ў 1726 годзе^[22]
• Мацьвей Казімеравіч Бацейка (Ботейко) — селянін з ваколіцаў Вількаў, які меў у валоданьні зямлю на 1882 год^[23]

Бутыковічы (Butykowicz) — літоўскі шляхецкі род зь Вільні^[24].

У былым Жамойцкім старостве існуе вёска Бутыкі, на гістарычнай Вількаміршчыне — Буцейкі, у ваколіцах Сарнаў — Бутэйкі (упамінаецца ў 1609 годзе)^[25].