Буціла

Буціла (Бутыла, Буцель, Боцель), Боціла (Батыла) — мужчынскае імя і вытворнае ад яго прозьвішча.

Butila
Паходжаньне
Мова(-ы)	германскія
Утворанае ад	Buto + суфікс з элемэнтам -л- (-l-)
Іншыя формы
Варыянт(ы)	Бутыла, Батыла, Буцель, Боцель, Бутайла
Вытворныя формы	Пуціла
Зьвязаныя артыкулы
якія пачынаюцца з «Буціла»

Паходжаньне

Асноўны артыкул: Імёны ліцьвінаў

Буціла, Ботыла, Ботэла або Бутэл (Butila, *Botilo^[1], Botella^[2], Butel^[3]) — імя германскага (гоцкага^[4]) паходжаньня^[5]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Botel^[7].

У Прусіі бытавала імя Бутэла (Бутыла, Бутыл): Butele (1267 і 1384 гады)^[8], Buthele (1344 год)^[8], Butil (1363^[9] і 1407 гады^[8]), Butyle (1400 год)^[8].

Варыянты імя ў гістарычных крыніцах: на Бастунцовъ: на Бутеля Станевича (1444 год)^[10]; nobili Georgio Butilowicz (30 траўня 1496 году)^[11]; пустовъщины… а Бутилову (12 кастрычніка 1509 году)^[12]; до Станеля Бутиловича, мещанина (28 ліпеня 1539 году)^[13]; Szirman Boczilowic… Iwan Boczilowic… Ilko Boczilowic… Hryssko Boczilowicz (1558 год)^[14]; Sienko Botyło (1560 год)^[15]; Bocielewicz (1636 год)^[16]; Микулай Степанов сын Бутеля (1655 год)^[17]; Jan Bucela (12 ліпеня 1655 году)^[18]; Bucelewiczowa Marcinowa (1663 год)^[19]; Bociłowa (1671—1681 гады)^[20]; od P. Jerzego Buciły (1690 год)^[21]; Stanisław Bucela (1697 год)^[22]; Anna Bucielewicz (1804 год)^[23]; Butajło (1909 год)^[24][25].

Носьбіты

• Юры Буціла — курклянскі шляхціч, які ўпамінаецца ў рэестры Жамойцкага княства 1690 году
• Ян Казімер Мікалаевіч Буцела — дзяржаўны дзяяч Вялікага Княства Літоўскага, скарбнік пінскі ў 1688—1705 гадох^[26]
• Максім Баціла — жыхар вёскі Белага (Полацкае ваяводзтва), які ўпамінаецца ў 1618 годзе^[27]

У актах Вялікага Княства Літоўскага ўпаміналіся маёнтак Боцелі (Ботели) і Боцельская пушча ў Вількамірскім павеце^[28].

На гістарычнай Лідчыне існуе вёска Буцілы, на гістарычнай Полаччыне — Бацілоўшчына, на гістарычнай Аршаншчыне — Бутэлеўшчына.