Бірыла

Бірыла (Бірыля, Бірыль, Біруль), Бярыла (Бярэла, Берыль, Бэруль), Берла — мужчынскае імя і вытворнае ад яго прозьвішча.

Berilo
Паходжаньне
Мова(-ы)	германскія
Утворанае ад	Bero + суфікс з элемэнтам -л- (-l-)
Іншыя формы
Варыянт(ы)	Бярыла, Бярэла, Бірэла, Бірыля, Бірыль, Берыль, Бэруль, Біруль, Берла
Вытворныя формы	Барыла
Зьвязаныя артыкулы
якія пачынаюцца з «Бірыла»

Паходжаньне

Асноўны артыкул: Імёны ліцьвінаў

Берыла, Берэла або Берул (Berilo, Berila, Berela^[1], Berul^[2]) — імя германскага паходжаньня^[3][4]. Іменная аснова -бер- (-бір-) (імёны ліцьвінаў Бірын, Бірыбольд, Бэрвольд; германскія імёны Birin, Beribald, Berwoldus) паходзіць ад гоцкага baira^[5], германскага bero 'мядзьведзь'^[6].

Імя Бярыла гістарычна бытавала ў Польшчы: Berilo (1428, 1440, 1442, 1456 і 1489 гады)^[7].

Імя Бірыль бытавала ў Ноўгарадзе: Бириль Васко (1539 год)^[8].

Варыянты імя ў гістарычных крыніцах: соудилъ есмь Биреля съ Армановичемь про колоколъ про немецьскыи: Бирель правъ (1284 год)^[9]; купил у воита ковенского на имя у Бириля у Tpoцкомъ повете в Жижморскои волости именье на имя Бирилявское (22 ліпеня 1501 году)^[10]; Pawel Birulicz… Liewon a Miron Biruliczy… Janko a Trochim Birulicy… Wasiuk Birulic (1558 год)^[11]; Федко Бирел (красавік — травень 1580 году)^[12], Хведко Бирел (травень 1580 году)^[13]; Janowa Berelowa (1624 год)^[14]; Pana Berelewicza (1666 год)^[15]; Biryło (1670 год)^[16]; Justyna Birełowicz (1810 год)^[17]; Pawluć Magdalena z Biriłów (1879 год)^[18].

Носьбіты

• Бірыль — дзяржаўны дзяяч Вялікага Княства Літоўскага, ковенскі войт у 1501 годзе
• Ян і Юры Венцлававічы Берлы Бярловічы — расенскія зямяне, якія ўпамінаюцца ў 1599 годзе^[19]
• Фёдар Бірыловіч — жыхар вёскі Цны (Наваградзкае ваяводзтва), які ўпамінаецца ў 1696 годзе^[20]
• Міхаіл Берыль — жыхар вёскі Нізоўкі (каля Ігумену), які ўпамінаецца ў 1701 годзе^[21]
• Зьміцер, Андрэй, Фёдар, Аксіньня і Юстыніяна Бірылы — жыхары вёскі Сянежыцаў (Наваградзкае ваяводзтва), якія ўпамінаюцца ў 1726 годзе^[22]
• Эльяш Бераловіч — жыхар вёскі Белічанаў (Гарадзенскі павет), які ўпамінаецца ў 1773 годзе^[23]
• Мікалай Бірыла (1923—1992) — беларускі мовазнаўца

Бярулі — парафіяне касьцёла ў Асьвеі на 1812 год^[24].

Бэрулевіч (Berulewicz), Бярыла (Bierylo) і Бірыля або Бірыла (Biryla) — прозьвішчы, зафіксаваныя ў XIX стагодзьдзі ў ваколіцах Сувалкаў^[25].

На 1901 год існавала вёска Бірылаўка на поўначы Гараднянскага павету Чарнігаўскай губэрні^[26].

У 1905 годзе існавала вёска Бірылы ў Беняконскай воласьці^[27].

На гістарычнай Гарадзеншчыне існуе вёска Бірулічы. Назву Бірулі маюць вёскі на гістарычных Амсьціслаўшчыне і Полаччыне.