Відзімін

Відзімін (? — па 1410) — літоўскі баярын.

Відзімін
лац. Vidzimin

Герб «Лебедзь»
Асабістыя зьвесткі
Памёр	па 1410
Бацькі	Гайлівойна[d][1]
Дзеці	Андрэй

Імя

Асноўны артыкул: Відзімін (імя)

Від (Wid) і Міна або Мена (Minno, Menno) — імёны германскага паходжаньня^[2][3]. Іменная аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[4], а аснова -мін- (-мен-) (імёны ліцьвінаў Мінят, Асьміна, Гальмін; германскія імёны Miniatus, Osminna, Galmin) — ад гоцкага minan 'менаваць, памятаць, любіць'^[5], minthi 'памяць'^[6]. Такім парадкам, імя Відзімін азначае «моцны думкамі»^[7] (тое ж, што і імя Мінвід). Адзначалася старажытнае германскае імя Widiman (Widi-man)^[8].

Формы імя ў гістарычных крыніцах: Wyndimyn (18 студзеня 1401 году)^[9]; Wydymen (17 жніўня 1404 году)^[10]; Wydimyn (11 чэрвеня 1407 году)^[11]; Vidimino (25 студзеня 1408 году)^[12]; Widimyn (16 лютага 1410 году)^[13].

Біяграфія

Зь літоўскага баярскага роду. Сын Гайлівойны (вядомы толькі зь імя па бацьку). Меў братоў Андрэя Гайлігіна і Урдзіця.

Упершыню ўпамінаецца ў акце Віленска-Радамскай уніі (1401 год). Часта выступаў як сьведка ў дакумэнтах і умовах Вітаўта (напрыклад, у дакумэнце 1404 году). Апошні раз упамінаецца ў 1410 годзе.

Меў сына Андрэя^[14].