Відзімін (імя)

Відзімін (Відмін, Ведмін), Відзімен — мужчынскае імя.

Паходжаньне
Мова(-ы)	германскія
Утворанае ад	Wido + Minno
Іншыя формы
Варыянт(ы)	Відзімен, Відмін, Ведмін
Зьвязаныя імёны	Мінвід
Зьвязаныя артыкулы
якія пачынаюцца з «Відзімін»

Паходжаньне

Асноўны артыкул: Імёны ліцьвінаў

Мінвіт (Minuit) — імя германскага паходжаньня^[1][2]. Іменная аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[3], а аснова -мін- (-мен-) (імёны ліцьвінаў Мінят, Асьміна, Гальмін; германскія імёны Miniatus, Osminna, Galmin) — ад гоцкага minan 'менаваць, памятаць, любіць'^[4], minthi 'памяць'^[5]. Такім парадкам, імя Відзімін азначае «моцны думкамі»^[6] (тое ж, што і імя Мінвід). Адзначалася старажытнае германскае імя Widiman (Widi-man)^[7].

Варыянты імя ў гістарычных крыніцах: Wyndimyn (18 студзеня 1401 году)^[8]; Wydymen (17 жніўня 1404 году)^[9]; Wydimyn (11 чэрвеня 1407 году)^[10]; Vidimino (25 студзеня 1408 году)^[11]; Widimyn (16 лютага 1410 году)^[12]; Онъдрушку Видиминовичу на Ратоме село Свирюнича (1440—1492 гады)^[13]; Widmin (XV—XVI ст. паводле выпісу XIX ст.)^[14]; боярину еишишскому Михаилу Видминовичу (12 лістапада 1516 году)^[15]; Миколай Андреевичъ Ведминовичъ… Юръи Яновичъ Ведминовичъ (1567 год)^[16]; Samuel Widminowicz (1667 год)^[17]; na miejscu P. Widminowicza Zombickiego (1690 год)^[18].

Носьбіты

• Відзімін († па 1410) — літоўскі баярын, меў сына Андрэя (Андрушку)
• Міхайла Відмінавіч — эйшыскі баярын, які ўпамінаецца ў 1516 годзе

Выдміновіч (Wydminowicz) — прозьвішча, зафіксаванае ў XIX стагодзьдзі ў ваколіцах Сувалкаў^[19].

Глядзіце таксама

• Від
• Мін