Віцейка

Віцейка (Вітка) — мужчынскае імя і вытворнае ад яго прозьвішча.

Witteke
Паходжаньне
Мова(-ы)	германскія
Утворанае ад	Witto + суфікс з элемэнтам -к- (-k-)
Іншыя формы
Варыянт(ы)	Вітка
Вытворныя формы	Відзейка
Зьвязаныя артыкулы
якія пачынаюцца з «Віцейка»

Паходжаньне

Асноўны артыкул: Імёны ліцьвінаў

Віціка, пазьней Вітэка або Вітка (Witicha, Witteke, Wittke) — імя германскага паходжаньня^[1]. Іменная аснова -віт- (імёны ліцьвінаў Віцень, Віталт, Вітарт; германскія імёны Wittenus, Witolt, Witard) паходзіць ад гоцкага wit 'веда, розум, закон'^[2], старасаксонскага witan 'ведаць' або ад асновы -від-^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Wittich (Witych)^[4].

У Прусіі бытавала імя Вітэка: Witeche (1349 год)^[5]. У 1645 годзе ў Каралявецкім унівэрсытэце навучаўся Ambrosius Witteck, Sensburgensis Borussus, у 1649 годзе — Fridericus Wittich, Angerburgensis Borussus^[6].

Варыянты імя ў гістарычных крыніцах: а инъшых люди у Высокодворскомъ повете на имя… а Сымона и Берната Витеиковичовъ (12 траўня 1511 году)^[7]; тяглыхъ людеи у Высокодворъскомъ жо повете на имя Сымона а Беръната Витеиковичовъ (29 траўня 1511 году)^[8]; тяглых людеи у Высокодворскомъ жо повете на имя Симана, а Берната Витеиковичов (10 чэрвеня 1511 году)^[9].

Носьбіты

• Казімер Габрыель Віцейка — адміністратар маёнтку Брашэвічаў, які ўпамінаецца ў 1670 годзе^[10]

Вітэйкі — літоўскі шляхецкі род^[11].

Віткевічы (Witkiewicz) — літоўскі шляхецкі род^[12].

Вітыкі (Wittyk) гербу Штэрнбэрг — шляхецкі род Рэчы Паспалітай^[13].

Віткевіч (Witkiewicz), Вітка (Witko) і Вітковіч (Witkowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[14].

У актах Вялікага Княства Літоўскага ўпаміналіся маёнтак Віцейкі або Нендры ў Вількамірскім павеце і сяло Віцейкішкі каля Гедройцаў^[15].

На гістарычнай Вількаміршчыне існуе вёска Віцейкі.