Відзейка

Відзейка (Відыка), Ведзейка (Ведзік) — мужчынскае імя і вытворнае ад яго прозьвішча.

Wideke
Паходжаньне
Мова(-ы)	германскія
Утворанае ад	Wido + суфікс з элемэнтам -к- (-k-)
Іншыя формы
Варыянт(ы)	Відыка, Ведзейка, Ведзік
Вытворныя формы	Віцейка, Вайдзіка
Зьвязаныя артыкулы
якія пачынаюцца з «Відзейка»

Паходжаньне

Асноўны артыкул: Імёны ліцьвінаў

Відэка, Відыка або Вэдэка (Wideke^[1], Vidike^[2], Widike^[3], Wiedeke, Wiedicke^[4], Wedeke) — імя германскага паходжаньня^[5]. Іменная аснова -від- (імёны ліцьвінаў Відмунд, Мельвід, Торвід; германскія імёны Widmund, Melvid, Torvid) паходзіць ад гоцкага wida 'повязь, злучэньне, моцнасьць' або ад гоцкага і германскага widus 'дрэва'^[6].

Адпаведнасьць імя Відзейка германскаму імю Wiedek (Wedeke) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[7].

У Прусіі бытавала імя Відэка: Wydeke (1413 і 1426 гады)^[8]. У 1642 годзе ў Каралявецкім унівэрсытэце навучаўся Martinus Wedeke, Angerburgensis Prussus, у 1643 годзе — Andreas Wedike, Angerburgensis Borussus, у 1645 годзе — Martinus Wedike, Angerburgensis Borussus^[9].

Варыянты імя ў гістарычных крыніцах: Кгедивилу у Медницех чоловекь Видеико (1440—1492 гады)^[10]; Видейко (1449—1485 гады)^[11]; попъ рожественскыи Наоумь Ведеико (6 верасьня 1507 году)^[12]; Видейковичи (27 студзеня 1524 году)^[13]; Васюл Видеикович… Кгинбут Видеикович… Кирконт Видеикович (1537—1538 гады)^[14]; Миколай Видейковичъ (5 красавіка 1539 году)^[15]; подданый господарьский Одельский Васко Видейковичъ (9 кастрычніка 1539 году)^[16]; Macziei Wiedzik (1563 год)^[17]; панъ Стефанъ Видейко (18 ліпеня 1667 году)^[18]; Dawid Wideyko (1 студзеня 1676 году)^[19]; Krzysztof Wideyko (1690 год)^[20]; B. Wideyko (каля 1700—1702 гадоў)^[21]; magistro Widykiewicz (14 сакавіка 1706 году)^[22]; magistro Stephano Widykiewicz (24 красавіка 1710 году)^[23]; pater Stephanus Widykiewicz, pater conventus Pinscensis (1737 год)^[24].

Носьбіты

• Кляўс Якубавіч Вэдык — дзяржаўны дзяяч Вялікага Княства Літоўскага, войскі браслаўскі каля 1586 году^[25]
• Крыштап Відзейка — літоўскі шляхціч, які ўпамінаецца ў рэестры падымнага Жамойцкага княства 1690 году

Відэйкі (Widejko) — прыгонныя зь вёскі Пустэльні (каля Камаяў) і ваколіцаў Аліты, якія ўпамінаюцца ў XIX стагодзьдзі^[26].

Відэйкі (Widejko) гербу Лебедзь^[27] — літоўскі шляхецкі род^[28].

На 1905 год існаваў фальварак Відзікі ў Беластоцкім павеце Гарадзенскай губэрні^[29], на 1906 год — фальварак Відзікі ў Лепельскім павеце Віцебскай губэрні^[30].

На гістарычнай Ваўкавышчыне існуе вёска Відзейкі, на гістарычнай Ашмяншчыне — Відэйкаўшчына.