Гайштаўдэн

Гайштаўдэн (ням. Gaistauden^[2]; афіцыйная расейская назва з 1946 году — Ігнатава, рас. Игнатово) — пасёлак у Расейскай Фэдэрацыі, у міжрэччы Шэшупы і Інстручы. Уваходзіць у склад Нёманскага раёну Калінінградзкай вобласьці.

Гайштаўдэн лац. Gajštaŭden
рас. Игнатово
Краіна:	Расея
Суб’ект фэдэрацыі:	Калінінградзкая вобласьць
Насельніцтва:	▼24 чал. (2010)[1]
Паштовы індэкс:	238717
Геаграфічныя каардынаты:	54°55′59.880″ пн. ш. 22°13′59.880″ у. д.
Гайштаўдэн на мапе Расеі Гайштаўдэн

Назва

Асноўны артыкул: Гаштольд (імя)

Гасьцівалд або Касталд, пазьней Гастальд, Гастаўд або Гастаўт (Gastivald, Castald, Gastaldius^[3], Gastald^[4], Gastold^[5][6], Gastaud^[7], Gastaut^[8]) — імя германскага паходжаньня^[9]. Іменная аснова -гаст- (-каст-, -гест-) (імёны ліцьвінаў Гасьціла, Гестар, Каштарт; германскія імёны Gastila, Gaster, Kastert) паходзіць ад гоцкага і германскага gasts 'госьць, вандроўнік', а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[10].

Адпаведнасьць імя Гастаўт (Гайстаўт) германскаму імю Gastaldius сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[3][11]. Германскае паходжаньне імя Гаштольд (Gasztołt, Gastoldus, Gastawdus, Gastowdus) таксама сьцьвярджае этымалягічны слоўнік старапольскіх асабовых імёнаў, выдадзены Польскай акадэміяй навук^[5].