Гасьціла

Гасьціла (Касьціла), Гастыла (Гастэль, Гестул) — мужчынскае імя і вытворнае ад яго прозьвішча.

Gastila
Паходжаньне
Мова(-ы)	германскія
Утворанае ад	Gasto + суфікс з элемэнтам -л- (-l-)
Іншыя формы
Варыянт(ы)	Гастыла, Гастэль, Касьціла, Гестул, Кестуль
Вытворныя формы	Асьціла
Зьвязаныя артыкулы
якія пачынаюцца з «Ґасьціла»

Паходжаньне

Асноўны артыкул: Імёны ліцьвінаў

Гасьціла або Кесьціла, пазьней Гастэль, Гестэль або Кастэль (Gastila^[1], Kestilo, Gastel^[2], Gestel^[3], Kastel^[4]) — імя германскага паходжаньня^[5]. Іменная аснова -гаст- (-каст-, -гест-) (імёны ліцьвінаў Гестар, Каштарт, Гаштольд; германскія імёны Gaster, Kastert, Gastald) паходзіць ад гоцкага і германскага gasts 'госьць, вандроўнік'^[6]. Таксама імя Гасьціла (Gostilo) можа мець славянскае паходжаньне^[1].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Kestel^[7].

У Латвіі адзначалася імя Gastile (1292 год)^[8].

У Памор’і бытавала прозьвішча Gastell^[9].

У Польшчы ў 1754 годзе адзначалася прозьвішча Gastel^[10].

У Прусіі адзначалася прозьвішча Gastell^[11].

Варыянты імя ў гістарычных крыніцах: Гостил (сярэдзіна 1150-х — сярэдзіна 1190-х гадоў)^[12]; от Гостила (1180 — да пачатку 1210-х гадоў)^[13]; den Litauern… Gestule (21 студзеня 1315 году)^[14]; у Гостили (1340 — пачатак 1380-х гадоў)^[15]; Гостилу пять чоловеков у Кернове^[16], чоловекъ Гостилович^[17] (1440—1492 гады); рижене выбърали от своихъ ратъмоновъ три, а от купъцовъ три, на имя панъ Конъдротъ Гостилович, панъ Радивонъ Ламорь, буръмистры (22 ліпеня 1478 году)^[18]; Щитъныи слуги Дубровенъского пути… братоничовъ его 2 Гостиловыхъ сынов — Сидор, Олексеи (каля 1492 году)^[19]; homines… Kosciłowiczy (2 траўня 1493 году)^[20]; въ Василишском повете людей… а Гостила Онтоновича (15 лютага 1503 году)^[21]; людеи наших тяглых, конюхов въ Городенском повете… а Гостила Ивашкевича (10 чэрвеня 1511 году)^[22]; конюхов наших остринских… а Евлаша Гостиловича (11 красавіка 1514 году)^[23]; люди… на имя Гостила Ходкевича (3 кастрычніка 1517 году)^[24]; Якубъ Гостилович^[25], Гостило^[26] (1528 год); з Городна… Яцка Гостиловича (1535 год)^[27]; Choma Hosczylowycz… Mysko Hosczylowycz (1552—1555 гады)^[28]; Hosczilo a Stasz Rodziewici… Hosczilo Oliechnowicz… Hoszczilo Lienczowicz… Hosczilo a Chwiedor Sienkowiczy… Marczin Chaliew. synem Hosczilem… Hosczilo, Arcziuch, Warziwon, Iwan, Kuniec Maliukowiczi… Hossczilo, Bolthruk, Mikoss a Hryssko Janowiczy… Andrzey a Hosczilo Stanislawowicy… Iwan a Hosczilo Chwiedzkiewiczy… Michaylo, Hacuta, Osczilo a Sienko Mieliechowici… Miszko Hoszczilowic… Hosczilo Bigieniewic… Hosczilo Buigieliew. (1558 год)^[29]; Stanko Hosciłowicz (2 траўня 1558 году)^[30]; Hoscilo Mięsnik (1561 год)^[31]; Максимъ Гостиловичъ… село Кгершановичи… Гуцъ Гостиловичъ… село Гвозница… Степанъ Гостиловичъ… село Рокитная… Кондратъ Гостиловичъ (1566 год)^[32]; Гостило Чешейко… Ленецъ Гостиловичъ (24 красавіка 1580 году)^[33]; dom Kastella (1596 год)^[34]; от мене Юр’я Шымковича Гостила (30 красавіка 1600 году)^[35]; у пана Яна Гостиловича (22 студзеня 1635 году)^[36]; Gostyłany (1744 год)^[37]; R. P. Franciscus Hosciłowicz, filius Giełvanensis (29 кастрычніка 1796 году)^[38].

Носьбіты

• Гасьціла (Гасьціл) — жыхары Ноўгараду, якія ўпамінаюцца ў XII—XIV стагодзьдзях
• Гасьціла — літоўскі баярын, які атрымаў ад вялікага князя Казімера пяць чалавек у Кернаве
• Конрад Гасьцілавіч — рыскі бурмістар, які ўпамінаецца ў 1478 годзе
• Якуб Гасьцілавіч — кернаўскі баярын, які ўпамінаецца ў попісе войска Вялікага Княства Літоўскага 1528 году
• Гасьціла — васіліскі баярын, які ўпамінаецца ў попісе войска ВКЛ 1528 году
• Юры Шымкавіч Гастыла — вількамірскі зямянін, які ўпамінаецца ў 1597 годзе^[39]
• Войцех Гасьціла (Gościłło) — стралец Сакольскага лясьніцтва, удзельнік нацыянальна-вызвольнага паўстаньня 1863—1864 гадоў^[40]
• Мікалай Гастэла (1907—1941) — савецкі вайсковы лётнік беларускага паходжаньня

Гастэлі (Gastel) — літоўскі шляхецкі род зь Вільні^[41].

Гасьцяловічы (Gościełowicz) гербу Галаўня — літоўскі шляхецкі род^[42] з Слонімскага павету^[43].

Гастэлы або Гасьцелы (Gastełło, Haściełło) гербу Нячуя — літоўскі шляхецкі род^[44].

Гасьцілевічы (Gaścilewicz) гербу Трубы — шляхецкі род Рэчы Паспалітай^[45].

Кестуль (Kiestul) — прозьвішча, зафіксаванае ў XIX стагодзьдзі ў ваколіцах Сувалкаў^[46].

На 1904 год існавала вёска Гасьцілава ў Духаўшчынскім павеце Смаленскай губэрні^[47].

На гістарычнай Меншчыне існуе вёска Гасьцілы, на гістарычнай Ашмяншчыне — Гасьцілава, на гістарычнай Лідчыне — Гасьцілаўцы. Назву Гасьцілавічы маюць вёскі на гістарычных Меншчыне і Наваградчыне.