Гродвіл

Гродвіл (Родвіл, Рудзівіл) — мужчынскае імя.

Hrodwil
Паходжаньне
Мова(-ы)	германскія
Утворанае ад	Hrodo + Wilo
Іншыя формы
Варыянт(ы)	Родвіл, Рудзівіл
Вытворныя формы	Радзівіл
Зьвязаныя артыкулы
якія пачынаюцца з «Гродвіл»

Паходжаньне

Асноўны артыкул: Імёны ліцьвінаў

Гродвіл, пазьней Рудвіль (Hrodwil, Rudwill) — імя германскага паходжаньня^[1]. Іменная аснова -грод- (-род-, -руд-) (імёны ліцьвінаў Рудалт, Родмант, Эйруд; германскія імёны Rudolt, Rodemund, Eirodus) паходзіць ад гоцкага hroþ 'слава, перамога'^[2], а аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) — ад гоцкага wilja 'воля'^[3]. Такім парадкам, імя Гродвіл азначае «воля да перамогі»^[4]. Апроч таго, адзначалася старажытнае германскае імя Hrehtwili (Hreht-wili)^[5].

У Прусіі бытавала імя Rodewille^[6].

Варыянты імя ў гістарычных крыніцах: Hrodwił (5 студзеня 1359 году, разглядаецца як фальсыфікат Тэадора Нарбута)^[7]; людемъ нашимъ Мерецъкого повета… Родвилу Воиневичу (люты 1510 году)^[8]; Гродвил Богдановичъ… Пашко Родвиловичъ… Шымъко Родвиловичъ (1528 год)^[9]; землю Родвиловщину (1537 год)^[10]; Józefa Rudziwiłowicz (1835 год)^[11].

Носьбіты

• Гродвіл Багданавіч — радунскі баярын, які ўпамінаецца ў попісе войска Вялікага Княства Літоўскага 1528 году

Ротавілы (Rottowił) — літоўскі шляхецкі род (таксама вядомы ў Варшаўскім павеце)^[12].

Глядзіце таксама

• Грода
• Віла