Жылічы (Берасьцейская вобласьць)

Жы́лічы^[2] — вёска ў Камянецкім раёне Берасьцейскай вобласьці, уваходзіць у Войскі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Жылічы.

Жылічы
трансьліт. Žyličy
Вёска Жылічы з боку Сюлкаў
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Войскі
Насельніцтва:	28 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225069[1]
СААТА:	1240813041
Нумарны знак:	1
Геаграфічныя каардынаты:	52°24′3″ пн. ш. 23°43′56″ у. д.
Жылічы на мапе Беларусі ± Жылічы Жылічы
Галерэя здымкаў у Вікісховішчы

Жылічы месьцяцца на правым беразе ракі Крывулі, за 3 км на паўднёвы ўсход ад аўтадарогі Высокае — Кобрынь (Р102), за 6 км на захад ад Камянцу, за 43 км на поўнач ад Берасьця, за 25 км на ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• сярэдзіна XIX ст.: вёска ў Камянец-Літоўскай воласьці Берасьцейскага павету Гарадзенскай губэрні Расейскай імпэрыі, дзяржаўная ўласнасьць.
• 1857: паводле 10-й рэвізіі 85 рэвіскіх душ.
• 1890: у складзе Жыліцкай сельскай грамады, больш за 300 дзесяцінаў зямельных угодзьдзяў.
• 1897: паводле перапісу 19 двароў, 132 жыхары, хлебазапасная крама.
• 1905: 169 жыхароў.
• 1921: у выніку Польска-савецкай вайны па Рыскай мірнай дамове ў складзе Польшчы, у Камянец-Літоўскай гміне Берасьцейскага павету Палескага ваяводзтва.
• 1923: 6 жыхароў.
• 1939: у выніку Пакту Молатава-Рыбэнтропа ў складзе Берасьцейскай вобласьці БССР.
• 1940: у Мікалаеўскім сельсавеце Камянецкага раёну Берасьцейскай вобласьці, у вёсцы 29 двароў, 178 жыхароў.
• 1941—1945: у 2-ю сусьветную вайну на франтах загінулі 4 вяскоўцы.
• 1954: у Ратайчыцкім сельсавеце.
• 1960: 128 жыхароў.
• 1964: у Камянецкім сельсавеце, у калгасе імя Леніна.
• 1986: у Войскім сельсавеце.

Насельніцтва

• 1999 год — 40 жыхароў
• 2005 год — 40 жыхароў, 21 двор^[3]
• 2010 год — 28 жыхароў

Інфраструктура

У складзе калектыўнага сялянскага аб’яднаньня «Колас».