Керш

Керш (Кірш, Гірш, Геруш, Кераш) — мужчынскае імя і вытворнае ад яго прозьвішча.

Kiersch
Паходжаньне
Мова(-ы)	германскія
Утворанае ад	Kero + суфікс з элемэнтам -ш- (-sch-)
Іншыя формы
Варыянт(ы)	Гірш, Геруш, Кірш, Кераш, Керша
Зьвязаныя артыкулы
якія пачынаюцца з «Керш»

Паходжаньне

Асноўны артыкул: Імёны ліцьвінаў

Герыш, Герш, Гіраш, Гірыш, Гірш або Кірш (Gerisch, Gersch^[1], Gierasch, Gierisch, Giersch, Kiersch) — імя германскага паходжаньня^[2]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Giersz, Gierasz, Gerysz^[4] і Girsz^[5].

У Памор’і бытавала прозьвішча Gersch^[6].

У Прусіі бытавала імя Геруша: Geruscha (1313 год)^[7].

Варыянты імя ў гістарычных крыніцах: чоловеков тяглыхъ у Оирякголскои волости… а Кгирша (25 траўня 1517 году)^[8]; в томъ местечъку Вилъкииском… чотырнадцаты дом Станиславъ Кершевичъ (8 траўня 1597 году)^[9]; Hersz (1636 год)^[10]; Elżbieta Marianna Geruszewicz (1768 год)^[11]; Katarzyna Kiersza (1778 год)^[12]; Kierasz (1831—1863 гады)^[13].

Носьбіты

• Янушка Кіршавіч — жыхар Жамойцкага староства, які ўпамінаецца ў 1537—1538 гадох^[14]
• Сымон Стэфанавіч Гіршовіч — расенскі зямянін, які ўпамінаецца ў 1593 годзе^[15]

Кершы, Керашэвічы і Кіршы — літоўскія шляхецкія роды^[16].

У Эйшыскай парафіі існавалі вёска Кершышкі (Kierszyszki)^[17].

На 1906 год існавала сяліба Гіршава ў Рэжыцкім павеце Віцебскай губэрні^[18].

На гістарычнай Меншчыне існуе вёска Кіршы, на гістарычнай Берасьцейшчыне — Гершоны.