Конрад Кучук

Конрад Кучук — літоўскі баярын. Пачынальнік роду Кучукоў (Кучуковічаў).

Конрад Кучук
лац. Konrad Kučuk

Герб «Тапор»
Асабістыя зьвесткі
Памёр	не раней за 1 ліпеня 1436[1]
Род	Кучукі
Дзеці	Юры, Ян

Вотчынныя ўладаньні знаходзіліся ў Жырмунах^[2].

Імя

Асноўны артыкул: Конрад

Конрад або Кунрад (Konrad, Cunrad^[3]) — імя германскага паходжаньня^[4]. Іменная аснова -кон- (-кун-) (імёны ліцьвінаў Кондрут, Кунат, Якун; германскія імёны Cundrud, Kunat, Acun) паходзіць ад гоцкага koni- 'адважны'^[5] або германскага kunja, kuni '(хтосьці) з годнага, шляхецкага роду'^[6], а аснова -рад- (-рат-) (імёны ліцьвінаў Радзівіл, Раталт, Радавін; германскія імёны Ratwilius, Ratolt, Radowin) — ад гоцкага *rêþs^[7], германскага rad- 'рада'^[8].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Konrad (Konrat, Kunrod, Kunrot)^[9].

Формы імя ў гістарычных крыніцах: Cunradus alias Kuczuc (Conradus alias Kuczuc^[2]; 1 ліпеня 1436 году)^[10].

Біяграфія

Зь літоўскага баярскага роду. Магчыма, быў сынам або братам Монтаўта. Відаць, быў у сваяцтве з Бутрымамі^[2].

Упамінаецца як «дзедзіч Жырмунаў» (heres de Szyrmuni) у сваім наданьні віленскім францішканам ад 1 ліпеня 1436 году, да якога прыклаў пячаць з гербам «Тапор».

Меў сыноў Юрыя і Яна.

Мова і культура

Асноўныя артыкулы: Ліцьвіны і Русіны

У сваёй лацінскай грамаце 1436 году ўпамінаў меру мёду, якая «па-народнаму» называлася «шацец» (vulgariter dictam szathec)^[11]. Гэта адпавядае многім іншым тагачасным лацінскім граматам літоўскіх князёў і баяраў, дзе з азначэньнем «народны» («гутарковы») падаваліся менавіта беларускія словы^[12].